కొరియన్ సినిమాలో నటించేస్తున్న అల్లరి నరేష్

అల్లరి నరేష్ తాజాగా 'సిల్లిఫెలో' అనే చిత్రంలో చేస్తున్న సంగతి తెలిసిందే. వీరభద్ర చౌదరి అనే నూతన దర్శకుడుని పరిచయం చేస్తూ రూపొందుతున్న ఈ చిత్రం 'మ్యారియింగ్ మాఫియా' అనే కొరియా చిత్రం ఆధారంగా రూపొందుతోందని ఫిల్మ్ నగర్ సమాచారం. ఇందులో శ్రీహరి కూడా ఓ ప్రధాన పాత్రను చేస్తున్నారు. నమో వెంకటేశ, బిందాస్ చిత్రాలు నిర్మించిన ఎ.టివి సంస్ధవారు ఈ చిత్రాన్ని నిర్మిస్తున్నారు. ఇక 'మ్యారియింగ్ మాఫియా' ఆధారంగా హిందీలో 'వెలకమ్ 'చిత్రం వచ్చింది. అయితే వెలకమ్ లో కొన్ని ట్రాక్ లు శ్రీను వైట్ల 'కింగ్' లో లేపేసారు. కాబట్టి మిగిలిన వాటిమీదే ఆధారపడాలి. ఇక ఈ చిత్రంలో ఆహుతి ప్రసాద్, నాగినీడు, బ్రహ్మానందం, ఎమ్.ఎస్.నారాయణ, ధర్మవరపు, రంజిత వంటి వారు నటిస్తున్నారు. అలాగే సంగీతం రఘు కుంచె అందిస్తూంటే లోకనాధ్ కెమెరా వర్క్ చేయనున్నారు.