twitter
    For Quick Alerts
    ALLOW NOTIFICATIONS  
    For Daily Alerts

    వెంకటేష్,రామ్ కాంబినేషన్ లో మల్టి స్టారర్

    By Srikanya
    |

    హైదరాబాద్ : త్వరలో మరో మల్టి స్టారర్ ప్రారంభం కాబోతోందని ఫిల్మ్ నగర్ సమాచారం. వెంకటేష్ , రామ్ కాంబినేషన్ లో ఈ చిత్రం తెరకెక్కనుంది. హిందీ చిత్రం బోల్ బచ్చన్ రీమేక్ గా ఈ చిత్రాన్ని ప్లాన్ చేస్తున్నట్లు తెలుస్తోంది. ప్రముఖ నిర్మాత స్రవంతి రవి కిషోర్ ఈ చిత్రం రైట్స్ తీసుకుని రీమేక్ చేసేందుకు సన్నాహాలు చేస్తున్నారని వినికిడి. గతంలో ఇదే బ్యానర్ లో చేసిన ఓ ప్రముఖ దర్శకుడు ఈ చిత్రాన్ని తెరెకెక్కించటానికి సంసిద్దమవుతున్నాడు. ప్రస్తుతం స్క్రిప్టు వర్క్ జరుగుతోంది. త్వరలోనే ఆఫీషియల్ ఎనౌన్స్ మెంట్ వచ్చే అవకాసముంది.

    బోల్ బచ్చన్ లో అజయ్ దేవగన్, అభిషేక్ బచ్చన్, అసిన్, ప్రచీ దేశాయ్, అస్రానీ, అర్చనా పూరణ్‌సింగ్ తదితరులు నటించారు. సంగీతం హిమేష్ రేషమ్మియా అందించారు.'గోల్ మాల్' సిరీస్ హిట్ కామెడీలు తీస్తున్న దర్శకుడు రోహిత్‌శెట్టి డైరక్ట్ చేసారు. హీరో అజయ్ దేవగన్ నిర్మించారు. అయితే ఈ చిత్రం హృషికేశ్ ముఖర్జీ హిట్ 'గోల్ మాల్' (1979) కి రీమేక్ కావటం విశేషం. కామెడీ ఆఫ్ ఎర్రర్స్,పంచ్ డైలాగ్స్ తో ఈ చిత్రం నవ్విస్తూ సాగుతుంది. బాలీవుడ్ లో ఈ చిత్రం మంచి కలెక్షన్స్ వసూలు చేసింది.

    ఇక ప్రస్తుతం..రామ్ హీరోగా శ్రీ వెంకటేశ్వర సినీ చిత్ర ఇండియా లిమిటెట్ పతాకంపై 'బొమ్మరిల్లు' భాస్కర్ దర్శకత్వంలో 'ఒంగోలు గిత్త' చిత్రం చేస్తున్నారు. బి.వి.ఎస్.ఎన్.ప్రసాద్ నిర్మిస్తున్నఈ చిత్రం ఫ్యామిలీ టచ్‌తో మాస్ ఎంటర్‌టైనర్‌గా రూపుదిద్దుకుంటోంది. గుంటూరు మార్కెట్ యార్డ్‌లో, హైదరాబాద్‌లో రెండు షెడ్యూల్స్ జరిగాయి. ప్రస్తుతం తణుకులో షూటింగ్ జరుగుతోంది. నవంబర్ 15 వరకూ జరిగే షెడ్యూల్‌తో రెండు పాటలు మినహా షూటింగ్ పూర్తవుతుంది.

    డిసెంబర్‌లో 'ఒంగోలు గిత్త' సినిమాను విడుదల చేస్తారు. రామ్ ఇమేజ్‌కి తగినట్లుగా ఎనర్జిటిక్‌గా ఉంటుంది. ప్రకాష్‌రాజ్ పాత్ర హైలైట్‌గా ఉంటుంది. మార్కెట్ యార్డ్ నేపథ్యంలో జరిగే కథ ఇది' అని నిర్మాత అంటున్నారు. కృతి కర్బందా కథానాయికగా నటిస్తున్న ఈ చిత్రంలో అభిమన్యుసింగ్, బ్రహ్మానందం, ఆహుతి ప్రసాద్, అజయ్, రఘుబాబు, రమాప్రభ ఇతర ముఖ్యతారాగణం. ఈ చిత్రానికి పాటలు: వనమాలి, సంగీతం: జి.వి. ప్రకాష్‌కుమార్, ఫొటోగ్రఫీ: వెంకటేశ్, సమర్పణ: భోగవల్లి బాపినీడు, కథ, స్క్రీన్‌ప్లే, మాటలు, దర్శకత్వం: భాస్కర్.

    English summary
    It is heard that venkatesh has reportedly accepted to do another prestigious multi starrer in the combo of hero Ram. This movie will be produced by Sravanthi Ravi Kishore. This is going to be a remake of bollywood super hit film ‘Bol Bachchan’.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X