Don't Miss!
- News జగన్ సంచలనం..వైఎస్ భారతికి కీలక బాధ్యతలు
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Sports SRH vs RCB: అందుకే వాషింగ్టన్ సుందర్పై వేటు వేసాం: ప్యాట్ కమిన్స్
- Lifestyle పాలలో తామరవిత్తనాలు కలుపుకొని తాగితే ఇన్ని ప్రయోజనాలుంటాయా..?
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
సంక్రాంతి రేస్లో మామాఅల్లుళ్లు.. వెంకీ మామ రిలీజ్ డేట్ ఫిక్స్!
విక్టరీ వెంకటేష్, యంగ్ హీరో నాగచైతన్య హీరోలుగా కె.ఎస్. రవీంద్ర(బాబీ) దర్శకత్వంలో రూపొందుతున్న కొత్త సినిమా 'వెంకీ మామ'. ఈ చిత్రానికి డి. సురేశ్బాబు, టీజీ విశ్వప్రసాద్ నిర్మాతలుగా వ్యవహరిస్తున్నారు. ఇటీవలే షూటింగ్ ఫినిష్ చేసుకున్న ఈ సినిమా ప్రస్తుతం పోస్ట్ ప్రొడక్షన్ కార్యక్రమాలతో బిజీగా ఉంది.
ఈ నేపథ్యంలో మధ్య మధ్యలో వస్తున్న వెంకీమామ అప్డేట్స్ ఆసక్తి రేపుతున్నాయి. తాజాగా వచ్చిన ఓ అప్డేట్ మాత్రం దగ్గుబాటి, అక్కినేని అభిమానులను కాస్త నిరాశ పరుస్తోంది. ముందుగా ఈ సినిమాను దసరా కానుకగా ప్రేక్షకుల ముందుకు తేవాలని ప్లాం చేశారు. కానీ కొన్ని కారణాల వల్ల అది డిసెంబర్ కి వాయిదా పడిందని తెలిసింది. ఇదిలా ఉండగానే డిసెంబర్ కాదు జనవరి 14వ తేదీన ఈ సినిమాను విడుదల చేయబోతున్నారని సమాచారం అందుతోంది.
ఇప్పటికే జనవరి 12వ తేదీన అల్లు అర్జున్ 'అల.. వైకుంఠపురములో', మహేష్ బాబు 'సరిలేరు నీకెవ్వరు' విడుదల ఖరారు చేసుకున్నాయి. ఆ రెండు సినిమాలకు పోటీగా జనవరి 14వ తేదీన వెంకీమామ విడుదలకు సిద్దమవుతుండటం సర్వత్రా ఆసక్తి రేపుతోంది. సంక్రాంతి సీజన్ కాబట్టి ఫ్యామిలీ ఓరియెంటెడ్గా రాబోతున్న 'వెంకీమామ' అల్లు అర్జున్ 'అల.. వైకుంఠపురములో', మహేష్ బాబు 'సరిలేరు నీకెవ్వరు' గట్టి పోటీ ఇస్తుందని భాస్తున్నారట మేకర్స్. అందుకే ఈ డేట్ ఫిక్స్ చేసినట్లుగా సమాచారం.
నిజ జీవితంలో మామాఅల్లుళ్లు అయిన వెంకటేశ్, నాగచైతన్య ఈ చిత్రంలోనూ మామా అల్లుళ్లుగా కనిపించనున్నారు. సురేష్ ప్రొడక్షన్స్, పీపుల్స్ మీడియా ఫ్యాక్టరీ సంయుక్త సమర్పణలో రూపొందిన ఈ చిత్రంలో వెంకటేష్ సరసన పాయల్ రాజ్పుత్, నాగచైతన్య సరసన రాశీఖన్నా నటించారు. ఎస్.ఎస్. సంగీతం అందిస్తున్నారు.