Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
కొనసాగుతున్న వెంకీమామ సస్పెన్స్.. అసలు కారణం ఏంటంటే!
రియల్ లైఫ్ మామ అల్లుళ్లు వెంకటేష్, నాగచైతన్య రీల్ లైఫ్ మామ అల్లుళ్లుగా మారిన సంగతి తెలిసిందే. 'వెంకీ మామ' ద్వారా ఈ ఇద్దరు తెర పంచుకోనున్నారు. గ్రామీణ నేపథ్యంలో కలర్ ఫుల్ కామెడీ ఎంటర్టైనర్ సినిమాగా ఈ మూవీ ప్రేక్షకుల ముందుకు రాబోతోంది. ఈ సినిమా విడుదల తేదీ విషయమై సస్పెన్స్ ఇంకా కొనసాగుతుండటం ఆసక్తికర అంశంగా మారింది.
నిజానికి వెంకీ మామ సినిమాను సంక్రాంతి కానుకగా విడుదల చేయాలని ప్లాన్ చేశారు మేకర్స్. కానీ ఈ విషయమై ఇప్పటిదాకా సరైన అప్డేట్ రానేలేదు. పైగా ఎలాంటి ప్రమోషన్ హడావిడి కనిపించడం లేదు. దీంతో ఈ సినిమా సంక్రాంతికి విడుదల కానుందా? లేదా అనే డౌట్ వ్యక్తమవుతోంది జనాల్లో. కాగా వెంకీమామ విడుదల తేదీ విషయమై ఈ ఆలస్యానికి అసలు కారణం ఒకటి ఉందని ఫిలిం నగర్ టాక్.
ఈ సినిమాలో యాక్షన్ సీన్స్కి సంబంధించిన గ్రాఫిక్స్ వర్క్ ఉందట. ఇప్పటికే ఈ వర్క్ అంతా పూర్తయి అవుట్ పుట్ కూడా బయటకొచ్చిందని, కానీ ఆ గ్రాఫిక్స్ వర్క్ సురేశ్ బాబుకి నచ్చకపోవడం వలన తిరిగి వెనక్కి పంపించారని తెలుస్తోంది. మళ్ళీ ఆయన చెప్పిన అప్డేట్స్ తో ఆ వర్క్ ఫినిష్ చేసి.. అది సురేశ్ బాబుకి నచ్చితే, దానిని బట్టి విడుదల తేదీని ప్రకటించడం జరుగుతుందని అంటున్నారు.
ఆడియన్స్ని ఫుల్లుగా ఎంటర్టైన్ చేసే కామెడీ సన్నివేశాలు ఈ సినిమాలో పుష్కలంగా ఉంటాయని తెలుస్తోంది. చిత్రంలో వెంకటేష్ సరసన పాయల్ రాజ్ పుత్ నటిస్తుండగా, నాగచైతన్య సరసన రాశీ ఖన్నా నటిస్తోంది. దేవి శ్రీ ప్రసాద్, థమన్ సంయుక్తంగా బాణీలు కడుతున్న ఈ సినిమాపై ప్రేక్షకుల్లో అంచనాలున్నాయి.