బట్టల్లేకుండా...? బిగ్‌బాస్ ఇంటి సభ్యులకు ఆ హీరో షాకివ్వబోతున్నాడా?

ఎందుకలా అంటే?

విజయ్ దేవరకొండ నటించిన ‘గీతా గోవిందం' మూవీ ఆగస్టు 15న విడుదల కాబోతోంది. సినిమా ప్రమోషన్లలో భాగంగా విజయ్ దేవరకొండ హీరోయిన్ రష్మికతో కలిసి బిగ్ బాస్ హౌస్‌లోకి ఎంట్రీ ఇవ్వబోతున్నారట. అయితే షర్టు లేకుండా రావడం ద్వారా తన రౌడీ బ్రాండ్ దుస్తులు కూడా ప్రమోట్ చేయాలని ప్లాన్ చేస్తున్నట్లు తెలుస్తోంది.

కెఎల్ఎం కూడా తోడైంది

‘రౌడీ' పేరుతో తన సొంత దుస్తుల బ్రాండ్ లాంచ్ చేసిన విజయ్... ఇటీవల హైదరాబాద్‌లో భారీ ఎత్తున సన్‌డౌనర్ పార్టీ ఏర్పాటు చేశారు. కెఎల్ఎం ఫ్యాషన్ మాల్‌కు కూడా విజయ్ బ్రాండ్ అంబాసిడర్‌గా ఉన్న సంగతి తెలిసిందే. బిగ్ బాస్ 2 అఫీషియల్ పార్ట్‌నర్‌లలో కెఎల్ఎం ఫ్యాషన్ మాల్ కూడా ఉండటం, అతడి రౌడీ బ్రాండ్ దుస్తులను ఈ మాల్ ఎక్స్‌క్లూజివ్‌గా కూడా విక్రయిస్తున్న నేపథ్యంలో..... విజయ్ షర్ట్ లెస్ బిగ్ బాస్ ఎంట్రీ నిజమే అనే వాదనకు బలం చేకూరుతోంది.

హైదరాబాద్‌లో భారీ కటౌట్స్

రౌడీ బ్రాండ్ ప్రమోషన్లలో భాగంగా హైదరాబాద్‌లో విజయ్ దేవరకొండ షర్ట్‌లెస్ ఫోజులతో కూడిన భారీ కటౌట్లు ఏర్పాటు చేశారు.

రౌడీ యాప్‌కు ఊహించని స్పందన

విజయ్ దేవరకొండ లాంచ్ చేసిన ‘రౌడీ' యాప్‌కు కూడా భారీ రెస్పాన్స్ వచ్చింది. ఒక్క రాత్రిలోనే దాదాపు లక్ష మంది ఈ యాప్ డౌన్‌లోడ్ చేసుకున్నారు.