మెగా ఫ్యామిలీ నుంచి మరో వారసుడు... స్టార్ హీరోను విలన్‌గా సెట్ చేస్తున్నారా?

మెగా ఫ్యామిలీ నుంచి మరో వారసుడు

మెగా ఫ్యామిలీ నుంచి త్వరలో మరో వారసుడు వెండి తెరకు పరిచయం కాబోతున్నాడు. సాయి ధరమ్ తేజ్ సోదరుడు వైష్ణవ్ తేజ్ నటుడిగా తన అదృష్టాన్ని పరీక్షించుకునేందుకు ఎంట్రీ ఇవ్వబోతున్నాడు. ఈ చిత్రాన్ని మైత్రి మూవీ మేకర్స్ వారు నిర్మించబోతున్నారు.

విజయ్ సేతుపతి విలన్ రోల్

బుచ్చిబాబు సాన దర్శకత్వంలో రూపొందబోయే వైష్ణవ్ తేజ్ తొలి చిత్రంలో విలన్ పాత్ర కోసం విజయ్ సేతుపతిని సంప్రదించినట్లు తెలుస్తోంది. రూరల్ బ్యాక్ డ్రాపులో ఈ చిత్రం ఉంటుందని సమాచారం. విజయ్ నుంచి గ్రీన్ సిగ్నల్ వచ్చిందని, అయితే డేట్స్ ఇంకా కేటాయించలేదని టాక్. త్వరలో ఈ విషయంలో క్లారిటీ రానుంది.

అతడిని ఎంపిక చేయడానికి కారణం...

ఎంత మెగా ఫ్యామిలీకి చెందిన హీరో అయినా కొత్త హీరో లాంచ్ అయ్యేపుడు సినిమాపై మంచి అంచనాలు ఏర్పడాలంటే అందులో ఏదైనా ప్రత్యేకత ఉండాలి. అందుకే విలన్ పాత్రకు విజయ్ సేతుపతిని ఎంపిక చేసినట్లు తెలుస్తోంది.

సుకుమార్ కథతో..

వైష్ణవ్ తేజ్ పరిచయం అయ్యే ఈ చిత్రానికి సుకుమార్ మూలకథ అందించినట్లు సమాచారం. అంతే కాదు ఈ చిత్రానికి ఆయన సహనిర్మాతగా వ్యవహరించబోతున్నట్లు తెలుస్తోంది. విజయ్ సేతుపతి డేట్స్ సెట్టయిన తర్వాత ఈ ప్రాజెక్టుకు సంబంధించిన పూర్తి వివరాలు అఫీషియల్‌గా వెల్లడించనున్నారు.