డైరెక్టర్‌గా బాహుబలి రైటర్ న్యూ ప్రాజెక్ట్.. పెద్ద హీరోలు ఒప్పుకోవడం లేదా?

స్క్రిప్ట్ రెడీ..

బాహుబలి లాంటి సినిమా తెరకెక్కడానికి మూల కారణమైన రైటర్ విజయేంద్రప్రసాద్ మళ్ళీ డైరెక్షన్ చేయరా అనే కామెంట్స్ ఎక్కువగా వినిపించాయి. ఇక ఫైనల్ గా ఆయన ఒక యువ హీరోతో సినిమా చేసేందుకు స్క్రిప్ట్ సిద్ధం చేసుకున్నట్లు తెలుస్తోంది. త్వరలోనే తన దర్శకత్వంలో తెరకెక్కనున్న సినిమాపై ఈ రైటర్ అఫీషియల్ ఎనౌన్స్మెంట్ ఇవ్వనున్నారట.

నాలుగు సినిమాలే..

రైటర్ గా విజయేంద్రప్రసాద్ సక్సెస్ అయినప్పటికీ దర్శకుడిగా మాత్రం అనుకున్నంత స్థాయిలో సక్సెస్ అవ్వలేదు. ఇప్పటివరకు ఆయన నాలుగు సినిమాలకు మాత్రమే దర్శకత్వం వహించారు. అర్దాంగి, శ్రీ కృష్ణ, రాజన్న, శ్రీ వల్లి సినిమాలకు దర్శకత్వం వహించిన విజయేంద్రప్రసాద్ మెగా ఫోన్ పట్టి మూడేళ్లవుతోంది.

ఆ ఒక్క సినిమా..

ఆయన కెరీర్ లో రాజన్న సినిమా మాత్రమే కాస్త మంచి విజయాన్ని అందుకుంది. కొడుకు కోసం అద్భుతమైన కథలు రాస్తున్న విజయేంద్రప్రసాద్ తన కోసం రాసుకోలేడా అనే కామెంట్స్ వచ్చాయి. ముఖ్యంగా పెద్ద హీరోలతో వర్క్ చేయరా? అనే కామెంట్స్ కూడా వస్తున్నాయి. ఇక ఇటీవల ఒక కుర్ర హీరోతో కొత్త తరహా మూవీని స్టార్ట్ చేయడానికి సిద్ధమైనట్లు తెలుస్తోంది.

Recommended Video

Thaman Vs Devi Sri Prasad : Musical Fight In Tollywood

పెద్ద హీరోలు ఒప్పుకోలేదా?

బాహుబలి మొదటి పార్ట్ నుంచి విజయేంద్రప్రసాద్ పెద్ద హీరోలతో ఎలాగైనా ఒక సినిమాను డైరెక్ట్ చేయాలని అనుకున్నారట. రైటర్ గా ఆయన కథలను హ్యాపీగా వింటున్న హీరోలు ఆయన డైరెక్షన్ అనగానే సైడ్ అయిపోతున్నారని రూమర్స్ వచ్చాయి. ఆ రూమర్స్ ఎంతవరకు నిజమో తెలియదు గాని విజయేంద్రప్రసాద్ మాత్రం తన దగ్గర ఉన్న కొన్ని కథలను ఎలాగైనా తన డైరెక్షన్ లోనే తెరకెక్కించాలని డిసైడ్ అయినట్లు తెలుస్తోంది.