విష్ణు 'సలీం' ఎందుకు ఆగింది?

By Staff

Published: Thursday, April 30, 2009, 11:59 [IST]

విష్ణువర్ధన్ బాబు, ఇలియానా కాంబినేషన్లో వై.వి.ఎస్ చౌదరి రూపొందిస్తున్న సలీం చిత్రం కొద్ది రోజులుగా షూటింగ్ ఆగిపోయింది. అయితే ఆ షూటింగ్ ఆగటానికి కారణం విష్ణునే కారణం అని విన్పడుతోంది. ఈ మధ్యనే పెళ్ళి చేసుకున్న అతను అంతకు ముందు ఎంగేజ్ మెంట్, ఆ తర్వాత పెళ్ళి హడావిడి, అనంతరం అత్తారిల్లు అన్నట్లు బిజిగా ఉన్నారు. అందులోనూ అతను ప్రస్తుతం కొద్దిగా ఒళ్లు చేసే పనిలో కూడా ఉన్నారని సమాచారం. బాగా సన్నగా ఉన్నావు పాటల్లో లుక్ సరిపోదంటూ దర్శకుడు వైవియస్ చౌదరి సూచన మేరకు ఈ నిర్ణయం తీసుకున్నాడని తెలుస్తోంది.

ఇక శ్రీలక్ష్మీ ప్రసన్న పిక్చర్స్ రూపొందిస్తోన్న 50వ చిత్రం "సలీం". ఈ సినిమా ద్వారా కార్పొరేట్ సంస్థ రిలయన్స్ కంపెనీ తెలుగు నిర్మాణ రంగంలోకి అడుగుపెడుతోంది. "బిగ్ పిక్చర్స్" తో లక్ష్మీ ప్రసన్న పిక్చర్స్‌ సంయుక్తంగా "సలీం" చిత్రాన్ని రూపొందిస్తున్నారు. మొదట్లో ఈ చిత్రం షూటింగ్ రామోజీ ఫిలింసిటీలో జరుగింది. 30లక్షలతో పాటకోసం సెట్ వేశి సుచిత్రా చంద్రబోస్ కొరియోగ్రాఫిలో పాటను తీసారు. అలాగే ధాయ్ లాండ్ లో 'విష్ణు, ఇలియానా, మరికొంత మంది ఫైటర్స్ పై చేజ్ సన్నివేశాలను చిత్రీకరించారు. ఇక విష్ణు త్వరగా రెడీ అయి గ్రీన్ సిగ్నల్ ఇస్తే మిగతా పార్ట్ షూటింగ్ ప్రారంభమవుతుందని యూనిట్ సభ్యులు ఎదురుచూస్తున్నారు. ఈ చిత్రంలో మోహన్ బాబు విలన్ గా కనిపించనునన్నారు.

More from Filmibeat