ఎన్టీఆర్ కోసం బాలీవుడ్ భామను పట్టేశాడా?.. పంథా మార్చిన త్రివిక్రమ్

క్రేజీ కాంబో..

ఎన్టీఆర్ త్రివిక్రమ్ సినిమా అంటే అందరికీ కొన్ని అంచనాలుంటాయి. అది కూడా అరవింద సమేత వంటి మాస్ అండ్ క్లాస్ హిట్ రావడంతో ఆ కాంబోకు ఉండే అంచనాలు పెరిగాయి. వెనువెంటనే ఇలా మరో ప్రాజెక్ట్ అనడం, అది కూడా అల వైకుంఠపురములో లాంటి ఇండస్ట్రీ హిట్ తరువాత అనే సరికి అంచనాలు ఆకాశన్నంటాయి.

అలాంటి రూమర్లు..

ఎన్టీఆర్ 30వ సినిమా రాబోతోన్న ఈ ప్రాజెక్ట్‌పై అనేక రూమర్లున్నాయి. అయినను పోయి రావలె హస్తినకు అనే టైటిల్ ఫిక్స్ చేశారని, రాజకీయాల నేపథ్యంలో ఈ చిత్రం ఉండబోతోందని అనేక రకాలైన వార్తలు వస్తున్నాయి. అందులో భాగంగా మరో వార్త బయటకు వచ్చింది.

ఆ హీరోయిన్ అంటూ...

మామూలుగా త్రివిక్రమ్ సినిమా అంటే కనీసం ఇద్దరు హీరోయిన్లు ఉంటారు. ఒక్కోసారి వీలుని బట్టి ముగ్గుర హీరోయిన్లు కూడా ఉంటారు. అయితే ఇందులో పూజా హెగ్డే, రష్మిక మందాన్నలను హీరోయిన్లుగా తీసుకుంటాడనే రూమర్లు ఎన్నో వచ్చాయి. దాంతో పాటు తాజాగా మరో వార్త పుట్టుకొచ్చింది.

పంథా మార్చి..

మామూలుగా త్రివిక్రమ బాలీవుడ్ భామలను తెలుగులోకి పట్టుకొచ్చేద్దామని ఎప్పుడూ చూడడు. కానీ ఈ సారి మాత్రం తన పంథాను మార్చుకున్నట్టు కనిపిస్తోంది. ఎన్టీఆర్ కోసం బాలీవుడ్ యంగ్ భామను తీసుకొచ్చేందుకు ప్రయత్నాలు చేస్తున్నాడని టాక్. లవ్ యాత్రి సినిమాతో ఫేమస్ అయిన వరీనా హుస్సేన్‌ను ఎన్టీఆర్ పక్కన నటించేందుకు సంప్రదింపులు జరుపుతున్నారట.

లుక్ టెస్ట్ కూడా..

ఈ క్రమంలోనే టెస్ట్‌ షూట్‌ కోసం ఆమె ఇటీవల హైదరాబాద్‌లో ల్యాండ్‌ అయినట్లు ఇండస్ట్రీలో టాక్‌ వినిపిస్తోంది. ఆమె నటన పట్ల త్రివిక్రమ్‌ సుముఖత వ్యక్తం చేశారని దీంతో ఆమెకు ఈ సినిమాలో ఓ పాత్రను ఇచ్చారని నెట్టింట్లో గుసగుసలు వినిపిస్తున్నాయి.