Don't Miss!
- News ఉండి టీడీపీలో వార్ - మారుతున్న లెక్కలు, ఆడియో వైరల్..!!
- Finance Stock Market: ప్లాట్ గా స్టాక్ మార్కెట్లు.. టెక్ మహీంద్రాలో భారీ కుదుపు..!
- Lifestyle ప్రపంచంలోనే అత్యంత పోషకమైన వేచూర్ ఆవు పాలు: గిన్నీస్ రికార్డ్ సాధించిన ఈ ఆవు గురించి ఆసక్తికరమైన విషయాలు
- Sports RCBకి గుడ్ న్యూస్: ప్లే ఆఫ్స్కు ఇలా ఈజీగా చేరొచ్చు!
- Automobiles కొత్త ఆస్టన్ మార్టిన్ వాంటేజ్ కూల్ స్పోర్ట్స్ కారు లాంచ్.. గంటకు 325 కి.మీ వేగం.. ధర, ఫీచర్లు ఇవే..
- Technology Nokia మాతృ సంస్థ HMD నుంచి మూడు కొత్త ఫోన్లు లాంచ్! ధర, స్పెసిఫికేషన్ల వివరాలు
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
స్టార్ డైరక్టర్లు ,హీరోలు బ్రహ్మానందం ని బ్యాన్ చేసారా?
హైదరాబాద్ : గమనిస్తే రీసెంట్ గా రిలీజైన పెద్ద తెలుగు సినిమాల్లో (బాహుబలి, శ్రీమంతుడు) బ్రహ్మానందం కనిపించ లేదు. ఆ మధ్యన రిలీజయ్యే ప్రతీ సినిమాలోనూ ఆయన తప్పనిసరి అన్నట్లు ఉండేవారు. అయితే సీన్ మారింది. శ్రీను వైట్ల తో వచ్చిన ఈ ట్రెండ్ మళ్లీ కాస్త తప్పినట్లు కనిపిస్తోంది.
బ్రహ్మానందం అడపాదడపా కనపడినా ఆయన పాత్ర చాలా చిన్నదిగా ఉంటోంది. అంతేకాదు రాబోయే పెద్ద సినిమా రుద్రమదేవి లోనూ ఆయన లేరు. త్రివిక్రమ్, అల్లు అర్జన్ తో చేసిన సన్నాఫ్ సత్యమూర్తిలో తప్ప ఆయన ఏ పెద్ద చిత్రంలోనూ కనపడలేదు. అంతెందుకు కామెడీ ఎంటర్టైనర్ గా సాగిన కళ్యాణ్ రామ్ పటాస్ లోనూ, పూరి జగన్నాధ్ టెంపర్ లోనూ ఆయన లేరు.
ఫేస్బుక్ ద్వారా లేటెస్ట్ అప్డేట్స్ ఎప్పటికప్పుడు
బ్రహ్మానందం చివరి హిట్ లౌక్యం. అందులో ఆయనది పెద్ద పాత్ర కాదు.ఆయన నటించిన దోచేయ్, పండుగ చేస్కో చిత్రాలు భాక్సాఫీస్ వద్ద ఫెయిల్యూర్ అయ్యాయి. సన్నాఫ్ సత్యమూర్తి చిత్రం యావరేజ్ అయ్యింది. ఇప్పుడు బ్రహ్మానందం ఆశలన్నీ రవితేజ హీరోగా వస్తున్న కిక్ 2 పైనే ఉన్నాయి. ఆ చిత్రం హిట్ అయితే ఆయన కెరీర్ కి బూస్ట్ అవుతుంది.
అలాగే శ్రీను వైట్ల, రామ్ చరణ్ కాంబినేషన్ లో రూపొందుతున్న చిత్రంలోనూ బ్రహ్మానందం సెకండాఫ్ లో కీలకమైన పాత్ర పోషిస్తున్నట్లు సమాచారం. దసరాకు రిలీజయ్యే ఈ చిత్రం మళ్ళీ బ్రహ్మానందం కు వెలుగు తీసుకు రావచ్చు.
అయితే పెద్ద సినిమాల్లో బ్రహ్మానందం కనపడకపోవటం ఆశ్చర్యకరమే. పెద్ద సినిమాల ప్యాకేజ్ లో చాలా కాలం నుంచీ బ్రహ్మానందం తప్పనిసరిగా ఉంటూ వస్తున్నారు. కాకపోతే బ్రహ్మానందం ను పెట్టి కామెడీకి ఎక్కు వ ప్రయారిటీ ఇస్తే...సినిమా హిట్టైనా ఆ క్రెడిట్ బ్రహ్మానందంకే వెళ్లిపోతుందని హీరోలు, దర్శక,నిర్మాతలు భావించి దూరం పెడుతున్నట్లు ఫిల్మ్ నగర్ లో చెప్పుకుంటున్నారు. ఏది నిజమో ఎవరికి ఎరుక.