అందుకా సురేష్ బాబు కమిటయ్యింది?

By Staff

Published: Tuesday, March 31, 2009, 18:02 [IST]

సురేష్ ప్రొడక్షన్స్ పై ఇవివి దర్శకత్వంలో ఓ కామిడీ సినిమా త్వరలో ప్రారంభం కానున్న సంగతి తెలిసిందే. అయితే మొదట అనుకున్నట్లుగా దర్శకత్వాన్ని బి.జయ నుంచి మార్చి ఇవివి కి ఇవ్వటంపై అందరికీ అనుమానాలు వచ్చాయి. అయితే ఇవివి తనయుడు అల్లరి నరేష్ హీరో కాబట్టి ఆ కోణంలో మార్పు జరిగి ఉంటుందని అంతా ఊహించారు. కానీ తాజాగా ఫిల్మ్ సర్కిల్స్ లో ఈ మార్పు పై మరో యాంగిల్ స్టోరీ వినపడుతోంది.

ఇవివి ఇంతకు ముందు రిలీజ్ చేసిన ఫిటింగ్ మేస్టర్ సినిమా నిమిత్తం సురేష్ బాబుకి దాదాపు రెండు కోట్ల దాకా బాకీ పడ్డాడని, దాన్ని తీర్చటానికే ఇలా కమిట్ అయ్యారంటున్నారు. ఇవివి దర్శకత్వానికి యాభై లక్షలు, నరేష్ నటనకి యాభై లక్షలు చొప్పున లెక్క కట్టి ఈ సినిమా చేయిస్తున్నారని చెప్పుకుంటున్నారు. పక్కా బిజెనెస్ మెన్ అయిన సురేష్ బాబు ఇలా తన బాకీ తీర్చుకునే అవకాశాన్ని ఆ తండ్రి కొడుకులకు ఇచ్చాడని తెలుస్తోంది. ఇక ఇవివి చేతిలో ఒక్క సినిమా లేకపోవటం, సురేష్ ప్రొడక్షన్స్ వంటి పెద్ద బ్యానర్ లో సినిమా అవటంతో నరేష్ సంతోషంగా రెమ్యునేషన్స్ కాదనుకుని ఇలా చేస్తున్నారనేది టాక్.

More from Filmibeat