అందుకే తప్పుకున్నాడా? పవన్ కళ్యాణ్.. శింబు.. అదే మూవీ, అదే ఇబ్బంది?

పేమెంట్ విషయంలో విబేధాలేనా?

తెలుగులో హిట్టయిన ‘అత్తారింటికి దారేది' చిత్రాన్ని తమిళంలో శింబు హీరోగా రీమేక్ చేస్తున్నారు. ఈ చిత్రాన్ని కూడా లైకా ప్రొడక్షన్స్ వారే నిర్మిస్తున్నారు. అయితే ఈ మూవీ విషయంలో తనకు రావాల్సిన రెమ్యూనరేషన్ ఇంకా అందలేదని, ఈ విషయంలో నిర్మాతలు ఇబ్బందులు పెట్టడం వల్లే... లైకా నెక్ట్స్ ప్రాజెక్ట్ ‘ఇండియన్ 2' నుంచి శింబు తప్పుకున్నట్లు ప్రచారం జరుగుతోంది.

గతంలో వపన్ కళ్యాణ్‌కు ఇదే ఇబ్బంది

‘అత్తారింటికి దారేది' సినిమా తెలుగులో తీసిననపుడు కూడా పవన్ కళ్యాణ్ నిర్మాతల నుంచి రెమ్యూనరేషన్ సరైన సమయంలో అందక ఇబ్బంది పడ్డారు. నిర్మాతపై ఫిర్యాదు కూడా చేశారు. ఇపుడు అదే సినిమాను తమిళంలో రీమేక్ చేస్తుండటంతో శింబుకు అదే ఇబ్బంది ఎదురైందనే ప్రచారం హాట్ టాపిక్ అయింది.

ఎలాంటి అధికారిక సమాచారం లేదు

అయితే శింబు రెమ్యూనరేషన్ విషయంలో లైకా ప్రొడక్షన్స్ నుంచి ఇబ్బంది ఏర్పడిందని ఎలాంటి ఫిర్యాదు చేయలేదు. మరో వైపు ఇండియన్ 2లో శింబు లేదా సిద్దార్థ్ ఎంపికైనట్లు కూడా అఫీషియల్ అనౌన్స్‌మెంట్ లేదు. ఇది కేవలం తమిళ మీడియా వర్గాల్లో జరుగుతున్న ప్రచారం మాత్రమే.

ఇండియన్ 2

ఇండియన్ 2 విషయానికొస్తే ఈ చిత్రంలో కమల్ హాసన్ సేనాపతి పాత్రలో కనిపించబోతున్నారు. కాజల్ అగర్వాల్ హీరోయిన్. 1996లో వచ్చిన ‘ఇండియన్' మూవీకి ఏ మాత్రం తగ్గకుండా ప్రస్తుతం దేశంలో జరుగుతున్న అవినీతి కార్యకలాపాలను ఫోకస్ చేస్తూ ఈ మూవీ ఉంటుందని తెలుస్తోంది.