Click it and Unblock the Notifications
రామ్ చరణ్ డామినేషన్, అందుకే వెంకీ ఔట్?
కలిసి పని చేద్దామనుకున్న వెంకటేష్-రామ్ చరణ్ ఎందుకు విడిపోయారు? అనేది ఎవరికీ అంతు పట్టడం లేదు. తాజాగా ఫిల్మ్ నగర్ నుంచి అందుతున్న సమాచారం ప్రకారం ఈ చిత్రంలో తన పాత్ర నచ్చకనే వెంకటేష్ తప్పుకున్నట్లు స్పష్టమవుతోంది. తొలుత తనకు చెప్పిన స్టోరీ లైన్కు, స్క్రిప్టు రెడీ చేస్తున్న తీరు వేరుగా ఉందని, సినిమా మొత్తం రామ్ చరణ్ పాత్ర డామినేషన్ ఉందని, తన పాత్రలో నెగెటివ్ షేడ్స్ ఉండటం వెంకీకి నచ్చలేదని అంటున్నారు.
ఇప్పటికే 'సీతమ్మ వాకిట్లో సిరిమల్లె చెట్టు' చిత్రంలో నటించిన వెంకటేష్కు....పాత్ర పరంగా మహేష్ బాబుకంటే తక్కువ మార్కులే పడ్డాయి. మరో వైపు ఇటీవల విడుదలైన మరో మల్టీస్టారర్ చిత్రం 'మసాలా'లో కూడా వెంకీకి పెద్దగా పేరు రాలేదు. ఈ నేపథ్యంలో తాను మళ్లీ అలాంటి పాత్రలే చేసుకుంటూ వెళితే..సినిమాలు హిట్టయినా, తన కెరీర్ మరింత దెబ్బతింటుందని వెంకటేష్ ఆలోచనలో పడ్డాడని, అందుకే ఈ సినిమా నుంచి తప్పుకున్నట్లు టాక్.
Continue with Google