రానా దగ్గుబాటికి జపాన్ అభిమానుల నుంచి భారీగా కానుకలు, 19 బాక్సుల్లో...

అన్నీ కలెక్ట్ చేసి పంపిన జపాన్ డిస్ట్రిబ్యూటర్

రానాకు పుట్టినరోజు శుభాకాంక్షలు తెలుపుతూ ఉత్తరాలు, బహుమతులు జపాన్‌లోని... బాహుబలి చిత్రాన్ని డిస్ట్రిబ్యూట్ చేసిన ఆఫీసుకు రావడంతో, వాటిని 19 బాక్సుల్లో సర్దేసి హైదరాబాద్‌లోని ఆర్కా మీడియా ఆఫీసుకు పంపారు.

ఆశ్చర్యపోయిన నిర్మాతలు

రానాకు ఇంత భారీ మొత్తంలో జపాన్ నుంచి బహుమతులు రావడంతో..... బాహుబలి నిర్మాతలు సైతం ఆశ్చర్యపోయారు. ఈ విషయాన్ని వెల్లడిస్తూ నిర్మాత శోభు యార్లగడ్డ ట్వీట్ చేశారు. భల్లాలదేవుడి నటనను జపనీయులు ఎంతలా ఇష్టపడ్డారో చెప్పడానికి ఇదొక ప్రత్యక్ష ఉదాహరణ.

బాహుబలిలో రానా నట విశ్వరూపం...

‘బాహుబలి' సినిమా ముందు వరకు రానాలో ఆ స్థాయి యాక్టింగ్ టాలెంట్ ఉందని చాలా మంది గుర్తించలేదనేది వాస్తవం. అతడిలోని నట విశ్వరూపాన్ని రాజమౌళి.... భళ్లాలదేవుడి పాత్ర ద్వారా వెలికి తీశాడు. దాదాపు మూడేళ్లు ఈ సినిమాకు పని చేసిన రానా పెర్ఫార్మెన్స్ పరంగా బాగా రాటుదేలాడని చెప్పొచ్చు.

రానా 34వ పుట్టినరోజు

డిసెంబర్ 14, 1984లో జన్మించిన రానా.... నేటితో 34వ వసంతంలోకి అడుగు పెడుతున్నాడు. రానా ప్రస్తుతం ‘హాథీ మేరీ సాతీ' చిత్రంలో హీరోగా నటిస్తున్నాడు. దీంతో పాటు ఎన్టీఆర్ బయోపిక్, బాలీవుడ్ మూవీ హౌస్‌ఫుల్ 4లో కీలకమైన పాత్రలు పోషిస్తున్నారు.