నైట్ పార్టీలో మునిగి తేలిన స్టాఫ్... ఫీలైన అల్లు అర్జున్!

అందుకే బన్నీ ఫీలయ్యాడు

శనివారం రాత్రి స్టాఫ్ అంతా పార్టీ చేసుకున్నారు. అయితే తనను పిలవక పోవడంపై అల్లు అర్జున్ అసంతృప్తి వ్యక్తం చేశారు. ‘ఆదివారం ఉదయం నాకు కనిపించే దృశ్యం... నా స్టాఫ్‌ అంతా శనివారం రాత్రి పార్టీల్లో మునిగితేలుతారు. రాత్రి వేళల్లో వారు ఎంజాయ్‌ చేసే విధానం నా కంటే భిన్నంగా ఉంటుంది. చాలా సంతోషంగా గడుపుతారు. మీరు నన్ను కూడా పిలవాల్సింది' అని వ్యాఖ్యానించారు.

ఈ మధ్య కాలంలో పార్టీలు బాగా మిస్సవుతున్న బన్నీ

ఒకప్పుడు బన్నీ కూడా తరచూ ఇలాంటి పార్టీలకు వెళ్లే వాడు. అయితే ప్రస్తుతం షూటింగ్ బిజీ వల్ల, మిగతా సమయాన్ని ఇంట్లో ఫ్యామిలీ, పిల్లలతో గడపాల్సిన పరిస్థితి వల్ల బన్నీ ఇలాంటి పార్టీల బాగా మిస్సవుతున్నారట. అందుకే తన సిబ్బంది నైట్ పార్టీ లైఫ్ చూడగానే ఆయన ఇలా ఆసక్తికరంగా స్పందించారు.

అల్లు అర్జున్

అల్లు అర్జున్ ప్రస్తుతం త్రివిక్రమ్ దర్శకత్వంలో తన 19వ చిత్రం చేస్తున్న సంగతి తెలిసిందే. ‘జులాయి', ‘సన్నాఫ్ సత్యమూర్తి' తర్వాత వీరి కాంబినేషన్లో వస్తున్న మూడో చిత్రం. ఈ మధ్య కాలంలో సరైన హిట్టు లేని బన్నీ.... ఈ సారి ఎలాగైనా హిట్టుకొట్టాలనే కసితో ఈ చిత్రం చేస్తున్నారు. అల్లు అరవింద్, ఎస్ రాధాకృష్ణ సంయుక్తంగా ఈ చిత్రం నిర్మిస్తున్నారు.

ఇంత సినిమాలను ప్రమోట్ చేస్తూ...

గతవారం విడుదలైన ‘బ్రోచేవారెవరురా', ‘ఏజెంట్ సాయి శ్రీనివాస ఆత్రేయ' చిత్రాలను బన్నీ ప్రమోట్ చేశారు. ఈ రెండూ తనకు ఎంతగానో నచ్చాయన్నారు. ‘బోచేవారెవరురా' లాంటి భిన్నమైన కథలను ఎంచుకుంటూ శ్రీవిష్ణు దూసుకెళుతున్నాడని, అతడి కథల సెలక్షన్ బావుంటుందిన తెలిపారు.