అల్లరి నరేష్ ఎమోషనల్: ‘మహర్షి’తో నా లైఫ్ ఫుల్ సర్కిల్ పూర్తయింది!

లైఫ్ ఫుల్ సర్కిల్ పూర్తయింది: నరేష్ ఎమోషనల్

‘మహర్షి' మూవీతో నా లైఫ్ ఫుల్ సర్కిల్ పూర్తయింది అంటూ నరేష్ తన ట్విట్టర్ పేజీ ద్వారా వెల్లడించారు. తన తొలి చిత్రం ‘అల్లరి'లో రవి అనే పాత్రలో నటించాను, ఇపుడు ‘మహర్షి'లో కూడా రవి అనే పాత్ర చేసే అవకాశం దక్కింది. దీంతో నా నట జీవితంలో ఫుల్ సర్కిల్ పూర్తయినట్లు ఆయన తెలిపారు.

17 ఏళ్ల క్రితం ఇండస్ట్రీకి వచ్చాను

17 ఏళ్ల క్రితం అందరి యువకుల్లానే నా అదృష్టాన్ని వెతక్కుంటూ ఇండస్ట్రీకి వచ్చాను. ఇక్కడ స్టాండ్ అవుతానో లేదో అనే విషయం కూడా నాకు అప్పుడు తెలియదు. అదృష్టం కొద్దీనాకు అన్నీ కలిసి వచ్చాయి, నటుడిగా ఇంత కాలం ప్రయాణం సాగించగలిగాను అని అల్లరి నరేష్ చెప్పుకొచ్చారు.

నటుడిగా జన్మించిన రోజు

2002 మే 10వ తేదీన ‘అల్లరి' సినిమా ద్వారా నేను నటుడిగా మరో జన్మ ఎత్తాను. ఈ ప్రయాణంలో నాకు సినిమా రంగం నుంచి, ప్రేక్షకుల నుంచి ఎంతో సపోర్ట్ లభించింది. వారి సహాయంతోనే ఇక్కడి వరకు రావడంతో పాటు విజయవంతంగా నా ప్రయాణం కొనసాగిస్తున్నట్లు నరేష్ తెలిపారు.

మీ అందరికీ హృదయ పూర్వక కృతజ్ఞతలు

ఈ ప్రమాణంలో నాకు తోడుగా ఉండటంతో పాటు నాపై నమ్మకం పెట్టిన నిర్మాతలు, దర్శకులు, టెక్నీషియన్స్, అభిమానులకు నా హృదయ పూర్వక కృతజ్ఢతలలు తెలుపుతున్నట్లు నరేష్ ట్వీట్ చేశారు. నరేష్ చేసిన ఈ ట్వీటుపై అభిమానుల నుంచి మంచి స్పందన వస్తోంది. ఆయన్న విష్ చేస్తూ పలువురు ఫ్యాన్స్ సందేశాలు పోస్ట్ చేస్తున్నారు.