పవన్ కళ్యాణ్ పిలుపు: తిత్లీ తుఫాను బాధిత గ్రామాలకు అల్లు అర్జున్ సహాయం

తిత్లీ తుఫాను ప్రభావంతో ఆంధ్రప్రదేశ్‌ శ్రీకాకుళం జిల్లాలోని పలు ప్రాంతాలు అతలా కుతలం అయిన సంగతి తెలిసిందే. ఈ తుఫాను కారణంగా ఆ ప్రాంతంలో చాలా నష్టం జరిగింది. చాలా చోట్ల తాగునీరు కలుషితమై ప్రజలు ఇబ్బంది పడుతున్నారు.

తుఫాన్ బాధిత గ్రామాలను సందర్శించిన జనసేన అధ్యక్షుడు పవన్ కళ్యాణ్ ఆయా గ్రామాల్లో ప్రజలు ఎదుర్కొంటున్న ఇబ్బందులు తీర్చడానికి దాతలు ముందుకు కావాలని కోరారు. ఈ నేపథ్యంలో అల్లు అర్జున్ స్పందించారు.

మండస, వజ్రకొట్టూరు మండలాల్లోని.. కొండలోగం, దేవునలతడ, అమలపాడు, పొల్లాడి గ్రామాలకు సురక్షిత మంచినీరు అందించేందుకు గాను 3 ఆర్వో వాటర్ ప్లాంట్స్, ఒక బోర్ వెల్ వేయించేందుకు ముందుకు సహాయం అందించారు.

ఈ వాటర్ ప్లాంట్స్, బోరు ద్వారా ఆయా గ్రామాల్లోని ప్రజలకు సురక్షిత మంచి నీరు అందనుంది. తమ ప్రాంతంలో ఇప్పటికే భూగర్భ జలాలు కలుషితం అయినందు వల్ల ఆర్వో వాటర్ ప్లాంట్స్ తమకు ఎంతో మేలు చేస్తాయని అంటన్నారు అక్కడి ప్రజలు.