మెగా ఫ్యాన్స్‌కు గుడ్ న్యూస్: నిహారిక కోసం బన్నీ సరికొత్త ప్లాన్.. ఈ సారి అదిరిపోతుందట.!

ఒకటి కాదు.. ఏకంగా మూడు సినిమాలు

యంగ్ హీరో నాగశౌర్యతో కలిసి నిహారిక నటించిన చిత్రం ‘ఒక మనసు'. ఎన్నో అంచనాల నడుమ విడుదలైన ఈ సినిమా బాక్సాఫీస్ ముందు బోల్తా కొట్టింది. తొలి ప్రయత్నమే విఫలం అయినా.. ఏమాత్రం వెనక్కి తగ్గని మెగా డాటర్.. ‘హ్యాపీ వెడ్డింగ్', ‘సూర్యకాంతం' వంటి సినిమాలు చేసింది. ఈ రెండు కూడా ప్రేక్షకుల మెప్పు పొందలేకపోయాయి.

అప్పుడే డిసైడ్ అయిపోయింది

జయాపజయాలతో సంబంధం లేకుండా వరుసగా సినిమాలు చేసినప్పటికీ ఒక్కటంటే ఒక్క హిట్ కూడా దక్కకపోవడంతో నిహారిక కీలక నిర్ణయం తీసుకుంది. ఇకపై సినిమాల్లో నటించకూడదనే ఆమె నిర్ణయించుకున్నట్లు ఆ మధ్య ప్రచారం జరిగింది. ఇదే విషయాన్ని తండ్రి నాగబాబుతో పాటు పెదనాన్న చిరంజీవితో కూడా చెప్పిందనే టాక్ వినిపించింది.

చిరకాల కోరికను నెరవేర్చుకుంది

సినిమాల్లో నటించకూడదని నిర్ణయించుకున్నప్పటికీ ఓ ప్రతిష్టాత్మక చిత్రంలో చాన్స్ రావడంతో ఆమె వెనక్కి తగ్గింది. అదే.. మెగాస్టార్ చిరంజీవి నటించిన ‘సైరా: నరసింహారెడ్డి'. ఈ సినిమాలో నిహారిక ఓ ముఖ్య పాత్రలో కనిపించింది. ఎంతో ప్రతిష్టాత్మకంగా తెరకెక్కిన ఈ సినిమాలో నటించడం ద్వారా నిహారిక.. తన పెదనాన్న సినిమాలో చేయాలన్న కోరికను నెరవేర్చుకుంది.

సినిమాలకు బ్రేక్.. అక్కడ మాత్రం తగ్గట్లేదు

నిహారిక సినిమాలకు మాత్రమే బ్రేక్ ఇచ్చింది. అదే సమయంలో తన సొంత ప్రొడక్షన్‌లో వెబ్ సిరీస్‌లు నిర్మించడం మాత్రం కొనసాగిస్తోంది. ఈ క్రమంలోనే ఆమె ఇటీవల ‘మ్యాడ్ హౌస్' అనే వెబ్ సిరీస్‌ను ప్రారంభించింది. 100 ఎపిసోడ్స్‌తో కూడిన ఈ వెబ్ సిరీస్ ఇటీవలే ప్రారంభమైంది. మహేశ్ ఉప్పాల తెరకెక్కిస్తున్న ఈ వెబ్ సిరీస్‌ను ఇన్వినీటం వారు కో ప్రొడ్యూస్ చేస్తున్నారు.

నిహారిక కోసం బన్నీ సరికొత్త ప్లాన్

నిహారిక కోసం స్టైలిష్ స్టార్ అల్లు అర్జున్ సరికొత్త ప్లాన్ సిద్దం చేస్తున్నాడని తాజాగా ఓ వార్త బయటకు వచ్చింది. దాని ప్రకారం.. అతడు త్వరలోనే చేయనున్న సినిమాలో ఆమెను తీసుకోవాలని సుకుమార్‌తో చెప్పాడట బన్నీ. ఈ పాత్ర అదిరిపోయేలా ఉంటుందని అంటున్నారు. ఈ సినిమాతో నిహారికకు మంచి బ్రేక్ రావడం ఖాయం అన్న టాక్ వినిపిస్తోంది.