Don't Miss!
- Technology 32MP+32MP సెల్ఫీ కెమెరాలతో షియోమీ కొత్త స్మార్ట్ఫోన్.. స్పెసిఫికేషన్లు, ఫీచర్ల వివరాలు..!
- Lifestyle Human Brain Size రోజు రోజుకు పెరుగుతున్న మానవ మెదడు సైజు, రాబోవు కాలంలో బహుషా ఈ వ్యాధులు ఉండవకపోవచ్చు..
- Automobiles భారత్లో లాంచ్ అయిన సుజుకి కొత్త బైక్ ఇదే.. ధర ఎంతో తెలుసా?
- News ఇంటర్ కళాశాలకు వేసవి సెలవులు...ఎప్పటినుంచంటే..?
- Finance Shapoorji Pallonji IPO: షాపూర్జీ పల్లోంజీ గ్రూప్ నుంచి భారీ ఐపీఓ..
- Sports SRH Playing XI: ఆ బౌలర్పై వేటు.. గుజరాత్తో తలపడే సన్రైజర్స్ హైదరాబాద్ తుది జట్టు ఇదే!
- Travel నహర్ఘర్ కోట దెయ్యాల కోటగా ఎందుకు మారింది? ఈ స్టోరీ తెలిస్తే ఆశ్చర్యపోతారు!
‘సర్కారు వారి పాట’ నుంచి షాకింగ్ అప్డేట్: అసలు ఆ హీరో ఇందులో చేయట్లేదట
వరుస విజయాలతో ఫుల్ ఫామ్లో ఉన్న సూపర్ స్టార్ మహేశ్ బాబు ప్రస్తుతం పరశురాం దర్శకత్వంలో 'సర్కారు వారి పాట' అనే సినిమా చేస్తున్నాడు. మూడు సూపర్ డూపర్ హిట్ల తర్వాత అతడు చేస్తోన్న ఈ మూవీపై అంచనాలు భారీగా ఉన్నాయి. అందుకు అనుగుణంగానే ఈ సినిమాను ఎంతో ప్రతిష్టాత్మకంగా తెరకెక్కిస్తున్నారు. ఇప్పటికే కొంత భాగం షూటింగ్ను పూర్తి చేసుకున్న ఈ మూవీ.. ప్రస్తుతం రెండో షెడ్యూల్ను జరుపుకుంటోంది. ఈ నేపథ్యంలో తాజాగా ఈ సినిమా గురించి ఓ షాకింగ్ న్యూస్ ఫిలిం నగర్ ఏరియాలో విపరీతంగా వైరల్ అవుతోంది.
భారీ బడ్జెట్తో సందేశాత్మకంగా రూపొందుతోన్న 'సర్కారు వారి పాట' మూవీలో యాక్షన్ కింగ్ అర్జున్ సర్జా నెగెటివ్ రోల్ చేస్తున్నట్లు మొదట్లో ప్రచారం జరిగింది. ఆ తర్వాత ఆయన చేసేది విలన్ పాత్ర కాదని, ఓ పవర్ఫుల్ పోలీస్ ఆఫీసర్ రోల్ అని ఓ న్యూస్ తెగ చక్కర్లు కొట్టింది. అయితే, తాజాగా అందుతోన్న సమాచారం ప్రకారం.. అసలు ఈ సినిమాలో అర్జున్ సర్జా నటించడం లేదట. అంతేకాదు, ఎటువంటి పాత్ర కోసం చిత్ర యూనిట్ ఆయనతో సంప్రదింపులు కూడా జరపలేదని తెలుస్తోంది. ఇక, ఇందులో విలన్గా డైరెక్టర్ కమ్ యాక్టర్ సముద్రఖనిని తీసుకున్న విషయం తెలిసిందే.
బ్యాంకులను మోసం చేసి పరారవుతోన్న బడా వ్యాపారవేత్తలను టార్గెట్ చేస్తూ 'సర్కారు వారి పాట'ను తెరకెక్కిస్తున్నట్లు ఎప్పటి నుంచో వార్తలు వస్తున్నాయి. ఇందులో మహేశ్ బాబు ఫుల్ లెంగ్త్ మాస్ రోల్లో కనిపించబోతున్నాడని కూడా అంటున్నారు. ఇక, ఈ సినిమాను మైత్రీ మూవీ మేకర్స్, 14 రీల్స్ ఎంటర్టైన్మెంట్స్ సంస్థలతో పాటు మహేశ్ స్వయంగా నిర్మిస్తున్నాడు. కీర్తి సురేష్ హీరోయిన్గా నటిస్తోంది. దీనికి యంగ్ మ్యూజిక్ సెన్సేషన్ థమన్ సంగీతం సమకూర్చుతున్నాడు. వచ్చే ఏడాది సంక్రాంతికి ఇది విడుదల కాబోతుంది.