twitter
    For Quick Alerts
    ALLOW NOTIFICATIONS  
    For Daily Alerts

    ‘సర్కారు వారి పాట’ నుంచి షాకింగ్ అప్‌డేట్: అసలు ఆ హీరో ఇందులో చేయట్లేదట

    |

    వరుస విజయాలతో ఫుల్ ఫామ్‌లో ఉన్న సూపర్ స్టార్ మహేశ్ బాబు ప్రస్తుతం పరశురాం దర్శకత్వంలో 'సర్కారు వారి పాట' అనే సినిమా చేస్తున్నాడు. మూడు సూపర్ డూపర్ హిట్ల తర్వాత అతడు చేస్తోన్న ఈ మూవీపై అంచనాలు భారీగా ఉన్నాయి. అందుకు అనుగుణంగానే ఈ సినిమాను ఎంతో ప్రతిష్టాత్మకంగా తెరకెక్కిస్తున్నారు. ఇప్పటికే కొంత భాగం షూటింగ్‌ను పూర్తి చేసుకున్న ఈ మూవీ.. ప్రస్తుతం రెండో షెడ్యూల్‌ను జరుపుకుంటోంది. ఈ నేపథ్యంలో తాజాగా ఈ సినిమా గురించి ఓ షాకింగ్ న్యూస్ ఫిలిం నగర్ ఏరియాలో విపరీతంగా వైరల్ అవుతోంది.

    భారీ బడ్జెట్‌తో సందేశాత్మకంగా రూపొందుతోన్న 'సర్కారు వారి పాట' మూవీలో యాక్షన్ కింగ్ అర్జున్ సర్జా నెగెటివ్ రోల్ చేస్తున్నట్లు మొదట్లో ప్రచారం జరిగింది. ఆ తర్వాత ఆయన చేసేది విలన్ పాత్ర కాదని, ఓ పవర్‌ఫుల్ పోలీస్ ఆఫీసర్‌ రోల్ అని ఓ న్యూస్ తెగ చక్కర్లు కొట్టింది. అయితే, తాజాగా అందుతోన్న సమాచారం ప్రకారం.. అసలు ఈ సినిమాలో అర్జున్ సర్జా నటించడం లేదట. అంతేకాదు, ఎటువంటి పాత్ర కోసం చిత్ర యూనిట్ ఆయనతో సంప్రదింపులు కూడా జరపలేదని తెలుస్తోంది. ఇక, ఇందులో విలన్‌గా డైరెక్టర్ కమ్ యాక్టర్ సముద్రఖనిని తీసుకున్న విషయం తెలిసిందే.

     Arjun Sarja Not Part in Mahesh Babus Sarkaru Vaari Paata

    బ్యాంకులను మోసం చేసి పరారవుతోన్న బడా వ్యాపారవేత్తలను టార్గెట్ చేస్తూ 'సర్కారు వారి పాట'ను తెరకెక్కిస్తున్నట్లు ఎప్పటి నుంచో వార్తలు వస్తున్నాయి. ఇందులో మహేశ్ బాబు ఫుల్ లెంగ్త్ మాస్ రోల్‌లో కనిపించబోతున్నాడని కూడా అంటున్నారు. ఇక, ఈ సినిమాను మైత్రీ మూవీ మేకర్స్, 14 రీల్స్ ఎంటర్‌టైన్‌మెంట్స్ సంస్థలతో పాటు మహేశ్ స్వయంగా నిర్మిస్తున్నాడు. కీర్తి సురేష్ హీరోయిన్‌గా నటిస్తోంది. దీనికి యంగ్ మ్యూజిక్ సెన్సేషన్ థమన్ సంగీతం సమకూర్చుతున్నాడు. వచ్చే ఏడాది సంక్రాంతికి ఇది విడుదల కాబోతుంది.

    English summary
    Mahesh Babu Now Doing Sarkaru Vaari Paata Movie under Parasuram Direction. Senior Hero Arjun Sarja Did Not Play Any Role In This Movie.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X