Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రామ్ చరణ్పై సురేష్ సెల్వరాజన్ ప్రశంసలు: ఆ మూవీ సెట్లో జరిగింది చెబుతూ!
'చిరుత' అనే సినిమాతో హీరోగా పరిచయం అయ్యాడు మెగా పవర్ స్టార్ రామ్ చరణ్. ఆ తర్వాతి సినిమా 'మగధీర'తో ఇండస్ట్రీ హిట్ను తన ఖాతాలో వేసుకోవడంతో పాటు స్టార్ హీరో అయిపోయాడు. అప్పటి నుంచి వెనుదిరిగి చూడని అతడు.. తనకంటూ ప్రత్యేకమైన ఇమేజ్ను సొంతం చేసుకుని సత్తా చాటుతున్నాడు. ఈ క్రమంలోనే మెగాస్టార్ చిరంజీవి కమ్బ్యాక్ మూవీ 'ఖైదీ నెంబర్ 150'తో నిర్మాతగానూ మారాడు చరణ్. దీని తర్వాత 'సైరా: నరసింహారెడ్డి' అందించిన అతడు.. ప్రస్తుతం మ్యాట్నీ ఎంటర్టైన్మెంట్స్తో కలిసి 'ఆచార్య'ను నిర్మిస్తున్నాడు.
టాలీవుడ్ బడా డైరెక్టర్ కొరటాల శివ - చిరంజీవి కాంబినేషన్లో రాబోతున్న చిత్రం 'ఆచార్య'. దీనికి సురేష్ సెల్వరాజన్ ఆర్ట్ డైరెక్టర్గా పని చేస్తున్నాడు. తాజాగా ఆయన రామ్ చరణ్ను ఉద్దేశించి ట్విట్టర్లో చేసిన పోస్ట్ వైరల్ అవుతోంది. ఇటీవల 'ఆచార్య' సెట్కు వెళ్లాడు మెగా పవర్ స్టార్. ఆ సమయంలో ప్రతి ఒక్కరితో కాసేపు ముచ్చటించాడట.
ఈ విషయాన్ని స్వయంగా తెలిపిన సెల్వరాజన్.. చరణ్తో దిగిన ఫొటోను షేర్ చేస్తూ 'సెట్లో మీరు చెప్పిన మాటలకు గూస్బమ్స్ వచ్చాయి సార్. మీ కాంప్లిమెంట్లను ఎప్పటికీ మర్చిపోలేను. అవి నా పనిలో కసిని మరింతగా పెంచాయి. మీ విలువైన మాటలకు ధన్యవాదాలు సార్' అంటూ రాసుకొచ్చాడు. సెల్వరాజన్ గతంలో 'భరత్ అనే నేను'కు ఆర్ట్ డైరెక్టర్గా పని చేశాడు.
ఇదిలా ఉండగా, ఎంతో ప్రతిష్టాత్మకంగా రాబోతున్న 'ఆచార్య'లో రామ్ చరణ్ కూడా కీలక పాత్రను పోషిస్తోన్న విషయం తెలిసిందే. దాదాపు ముప్పై నిమిషాల పాటు ఉండే అతడి పార్ట్ సినిమాకే హైలైట్గా నిలవనుందని సమాచారం. ఇక, ఈ మూవీలో చరణ్కు జోడీగా నటించబోయే హీరోయిన్ విషయంలో ఉత్కంఠ కొనసాగుతూనే ఉంది. ఈ క్రమంలోనే ఎంతో మంది పేర్లు బయటకు వచ్చినా చిత్ర యూనిట్ నుంచి అధికారిక ప్రకటన అయితే రాలేదు.