పరాకాష్టకు చేరిన బాలకృష్ణ తీరు, నడిరోడ్డుపై అభిమానిని చితకబాదాడు (వైరల్ వీడియో)

పరాకాష్టకు చేరిన బాలకృష్ణ తీరు, నడిరోడ్డుపై అభిమానిని చితకబాదాడు

తాజాగా విజయనగరం జిల్లా చీపురుపల్లిలో టీడీపీకి ప్రచారం నిర్వహిస్తున్న నందమూరి బాలకృష్ణ ఓ అభిమానిని కాలర్ పట్టుకుని చితకబాదడం చర్చనీయాంశం అయింది. ఈ వీడియో సోషల్ మీడియాలో వైరల్ అవుతోంది. నడి రోడ్డు మీద, వందల మంది కార్యకర్తల ముందు బాలయ్య ఇలా ప్రవర్తించడం చూసి అంతా ఆశ్చర్యపోయారు.

బాలయ్య ఉంటే ఇలాంటివి కామన్!

బాలకృష్ణ గతంలోనూ పలు సందర్భాల్లో ఇలాంటి దాడులు చేయడంతో... బాలయ్య ఎక్కడ ఉంటే అక్కడ ఇలాంటి సంఘటనలు జరుగడం కామన్ అనే పరిస్థితి ఏర్పడింది. బాలయ్య చేతిలో దాడులకు గురైంది ఆయనంటే ఇష్టపడే అభిమానులే కావడం గమనార్హం.

అలా అనడం కూడా బాలయ్య దృష్టిలో తప్పే..

ఇటీవల ఎన్నికల ప్రచారంలో ఉండగా బాలకృష్ణ అభిమాని ఒకరు మీరు 60 వేల మెజారిటీతో గెలుస్తారు అంటూ వ్యాఖ్యానించడం కూడా బాలయ్య ఆగ్రహానికి కారణమైంది. అతడిని బాలకృష్ణ నోటికొచ్చినట్లు తిడుతూ రెచ్చిపోవడం చూసి అందరూ విస్మయానికి గురయ్యారు.

మీడియాపై కూడా..

ఇటీవల హిందూపురం ప్రచారంలో మీడియాపై కూడా బాలయ్య నోరు పారేసుకున్నారు. ‘రాస్కెల్‌ మా బతుకు మీ చేతుల్లో ఉన్నాయిరా. నరికి పోగుపెడతాను, ప్రాణాలు తీస్తాను. బాంబులు వేయడం​ కూడా తెల్సు నాకు. కత్తి తిప్పడం కూడా తెల్సు' అంటూ బెదిరించారు. ఆ తర్వాత బాలయయ మీడియాకు క్షమాపణలు చెప్పినప్పటికీ అప్పటికే జరుగాల్సిన నష్టం జరిగిపోయింది.

వైరల్ అవుతున్న బాలయ్య లేటెస్ట్ ఎటాక్ వీడియో

బాలయ్య విజయనగరం జిల్లా చీపురుపల్లిలో అభిమానిపై దాడి చేసిన వీడియో వైరల్ అవుతోంది. సినిమాల్లో చేసినట్లు రియల్ లైఫ్‌లో చేసినా కుదురుతుందని అనుకున్నారో? ఏమో? తెలియదు కానీ పరుగెత్తుకుంటూ వెళ్లి అభిమానిని చితకబాదారు.