చిరంజీవి, పవన్ కల్యాణ్, ఎన్టీఆర్, చరణ్, బన్నీ... వీరిలో కింగ్ మేకర్ ఎవరంటే?

2024 వచ్చి అప్పుడే నెల అయిపోతోంది. ఇప్పటికే సంక్రాంతి, రిపబ్లిక్ డే సినిమాలు బాక్సాఫీస్​ ముందుకు వచ్చి విజయాలు, అంతకు మించిన అపజయాలను చూశాయి. అయితే ఇప్పుడు సినీ ప్రియులకు అసలైన సినీ వినోదాన్ని అందించడానికి రెడీ అవుతున్నాయి మరిన్ని చిత్రాలు. విషయానికొస్తే.. తెలుగు సినిమాలకు ప్రస్తుతం ఓవర్సీస్​లో మార్కెట్‌ విస్తరిస్తున్న సంగతి తెలిసిందే. అక్కడ మన చిత్రాలకు భారీ స్థాయిలో వసూళ్లు వస్తున్నాయి. ఈ నేపథ్యంలో ప్రస్తుతం టాలీవుడ్​లో రాణిస్తున్న బడా హీరోల్లో ఓవర్సీస్​లో ఎవరికి ఏ రేంజ్ మార్కెట్​ ఉంది? వీరిలో కింగ్ మేకర్​ ఎవరు వంటి వివరాలను తెలుసుకుందాం..

టాలీవుడ్​ నుంచి రాబోతున్న బాగా హైప్‌ ఉన్న చిత్రాల్లో 'పుష్ప 2', 'ఓజీ', 'దేవర', 'గేమ్‌ ఛేంజర్‌', 'విశ్వంభర', 'కల్కి' . ఇంకా పలు చిత్రాలు కూడా ఫుల్ హైప్​తో రిలీజ్​కు రెడీ అవుతున్నాయి. అయితే వీటిలో 'కల్కి' బిజినెస్‌ ఇంకా మొదలు కాలేదని తెలిసింది. కానీ ఇతర సినిమాలకు మాత్రం చాలా వరకు బిజినెస్‌ ముందుగానే జరిగినట్లు సమాచారం అందింది.

గతేడాది డిసెంబర్​లో ప్రేక్షకుల ముందుకు వచ్చిన భారీ యాక్షన్ ఎంటర్​టైనర్​ ప్రభాస్‌ 'సలార్‌' ఓవర్సీస్‌లో భారీ ధరకు అమ్ముడుపోయినట్లు తెలిసింది. రూ.72కోట్ల వరకు అమ్ముడుపోయిందని తెలిసింది. అంతకుముందు 'బాహుబలి 2' రూ. 70కోట్ల రేట్ పలకగా 'ఆర్‌ఆర్‌ఆర్‌' రూ.68కోట్లకు అమ్ముదుపోయిందని సమాచారం. అలా ఈ మూడు సినిమాలు ఓవర్సీస్‌లో అత్యధిక ధర పలికిన సినిమాలుగా రికార్డుకెక్కాయి.

ఇప్పుడు ఆ రికార్డులను ఐకాన్ స్టార్​ అల్లు అర్జున్‌ నటిస్తున్న పుష్ప 2 బ్రేక్ చేసే అవకాశముందని తెలుస్తోంది. 'పుష్ప 2'కు ఓవర్సీస్​లో భారీ డిమాండ్ ఉందట. రూ.90 కోట్ల వరకు పలుకుతుందని ట్రేడ్ వర్గాలు అంటున్నాయి. అయితే ఈ డీల్​పై ఇంక్లా స్పష్టట లేదు. ఒకవేళ ఈ డీల్​ కనుక సక్సెస్​ఫుల్​గా జరిగితే హీరోల్లో బన్నీదే హైయెస్ట్ రికార్డ్ ఓవర్సీస్​ బిజినెస్​ అవుతుంది. ఈ చిత్రం ఆగస్ట్ 15న థియేటర్లలో విడుదల కానుంది.

పవర్​ స్టార్ పవన్ కల్యాణ్ నటిస్తున్న గ్యాంగ స్టర్​ మూవీ ఓజీ మూవీ ఓవర్సీస్ రైట్స్ రూ.17కోట్లకు అమ్ముడుపోయిందని తెలిసింది. పుష్ప 2 కనుక వాయిదా పడితే, ఆగస్ట్​లో ఈ సినిమా విడుదల చేసే అవకాశముంది. ఇప్పటికే 72శాతం షూటింగ్ పూర్తైంది. శంకర్ -​ రామ్‌చరణ్‌ కాంబో మూవీ 'గేమ్‌ ఛేంజర్‌' ఓవర్సీస్ రైట్స్​ రూ. 20కోట్లకు అమ్ముడైందని సమాచారం అందింది. ఈ చిత్రాన్ని సెప్టెంబర్‌ లాస్ట్​ వీక్​లో రిలీజ్‌ చేసే ఆలోచనలో ఉన్నట్లు సమాచారం.

మెగాస్టార్ చిరంజీవి నటిస్తున్న సోషియో ఫాంటసీ 'విశ్వంభర' ఓవర్సీస్‌ రైట్స్ రూ.18కోట్లకు అమ్ముడు పోయిందని టాక్​ వినిపిస్తోంది. ఇక తెలుగు నుంచి రాబోతున్న మరో పాన్‌ ఇండియా చిత్రం ఎన్టీఆర్‌ 'దేవర' రూ.27కోట్లకు అమ్ముడు పోయినట్టు అంటున్నారు. ఈ సినిమాను ఏప్రిల్‌ 5న రిలీజ్‌ చేయనున్నారు. వీటన్నింటినీ చూస్తుంటే... ఓవర్సీస్ కింగ్ మేకర్ పుష్పగాడే అని తెలుస్తోంది. ఓవర్సీస్ లో పుష్ప 2 రికార్డు బిజినెస్ నమోదు చేసుకోవడంతో.. బన్నీ కింగ్ మేకర్. దీంతో బన్నీ ఫ్యాన్స్ ఖుషీగా ఉన్నారు.