ఆ దర్శకుడితో కలిసి పనిచేయను.. తేల్చి చెప్పిన మెగాస్టార్ చిరంజీవి

గ్రాండ్‌గా సెకండ్ ఇన్నింగ్స్

నా జీవితంలో ఎంతో మంది నటీనటులు, దర్శకులతో పనిచేశాను. నా కెరీర్ గ్రాఫ్ ప్రతీ దశలోనే అద్భుతంగా ఉంది. నా కెరీర్‌లో ప్రతీ క్షణాన్ని ఎంజాయ్ చేశాను. నా కమ్ బ్యాక్ మూవీ ఖైదీ నంబర్ 15 చిత్రంతో మళ్లీ గ్రాండ్‌గా సెకండ్ ఇన్నింగ్స్ మొదలుపెట్టాను. ఆ తర్వాత సైరా కూడా బాక్సాఫీస్ విన్నర్‌గా నిలిచింది అని చిరంజీవి అన్నారు.

90 ఏళ్ల వరకు నటిస్తా

తెలుగు ప్రేక్ష‌కులు ప్రతీ క్షణం నన్ను ఆదరించారు. ప్రేమను కురిపించారు. తెలుగు వ్యక్తిగా నాకు గర్వంగా ఉంటుంది. నేను ఎప్పుడు డబ్బు కోసం పనిచేయలేదు. కేవలం నాలోని తపనను సంతృప్తి పరుచుకొనేందుకు నటించాను. నాకు ఇష్టమైన నటుడు క్లింట్ ఈస్ట్‌ఉడ్. ఆయన మాదిరిగానే 90 ఏళ్ల వరకు నటిస్తాను అని చిరంజీవి అన్నారు.

పవన్ కల్యాణ్‌తో కలిసి నటించేందుకు

నేను పవన్ కల్యాణ్ కలిసి నటించాలని కోరుకొంటున్నాను. కానీ మా ఇద్దరికి సరిపోయే కథ లభించడం లేదు. అయితే మంచి స్క్రిప్ట్, సరైన అవకాశం లభిస్తే నా తమ్ముడితో నటించాలని ఎదురు చూస్తున్నాను అని చిరంజీవి తెలిపారు.

రాజమౌళి డైరెక్షన్‌లో

ఆచార్య తర్వాత రాజమౌళి దర్శకత్వంలో నటిస్తున్నారనే వార్తల్లో నిజం లేదు. నాకు రాజమౌళితో పనిచేయాలనే కోరిక లేదు. నేను ఆయనతో కలిసి పనిచేయను. నాకు అవకాశం వర్చినా నేను నటించను. ఎందుకంటే. నేను నటుడిగా రాజమౌళిని ఎలా సంతృప్తి పరుచాలో తెలియదు. ఆయనను మెప్పించడం నాకు కష్టమే అనిపిస్తుంది అని చిరంజీవి అన్నారు.

ఆచార్య మూవీ నిరాశలో

ఇక ఆచార్య సినిమా విషయానికి వస్తే.. మెగా ఫ్యాన్స్‌ను తీవ్రంగా నిరాశ పరిచింది. ఈ సినిమా దారుణమైన పరాజయాన్ని చవిచూస్తున్నది. బాక్సాఫీస్ వద్ద పేలవమైన కలెక్షన్లను రాబడుతున్నది. ఆచార్య విషయంలో మెగా అభిమానులు అసంతృప్తిగా ఉన్నారు.