Chiranjeevi: రెండేళ్లపాటు ఒకే షర్ట్​ వేసుకున్న చిరంజీవి.. ఇంకా తెలియని విశేషాలు

ఎప్పుడూ ప్రత్యేకమే..

మెగాస్టార్​ చిరంజీవి బర్త్​డే ఆగస్టు 25 ఎంత స్పెషలో.. సెప్టెంబర్​ 22 కూడా అంతే ప్రత్యేకం. ఎందుకంటే చిరు నటించిన తొలి చిత్రం ప్రాణం ఖరీదు విడుదలైంది ఈ తేదినే. 1978లో సెప్టెంబర్​ 22న ప్రాణం ఖరీదు రిలీజైంది. కొణిదెల శివశంకర్ వర ప్రసాద్ అయిన నన్ను చిరంజీవిగా తెలుగు ప్రేక్షకులకు ఇంట్రడ్యూస్​ చేసిన ఈ సినిమా నాకు ఎప్పుడు ప్రత్యేకమే అని చిరు చెబుతుంటారు.

ఆ సాంగ్​ చాలా ఇష్టం..

చిరంజీవికి రుద్రవీణ సినిమాలోని సాంగ్స్​ అంటే చాలా ఇష్టమట. చిరుకే కాదు ఆయన భార్య సురేఖకు కూడా ఆ సాంగ్స్​ అంటే ఇష్టమట. అందులో ముఖ్యంగా నమ్మకు నమ్మకు ఈ రేయిని కమ్ముకు వచ్చిన ఈ మాయని పాటంటే చాలా ఇష్టమని గతంలో ఓసారి చెప్పారు.

ఒక అలవాటుగా..

చిరంజీవికి ఫొటోగ్రఫీ అంటే ఎంతో ఇష్టమని సమాచారం. వీలు కుదినిప్పడుల్లా ప్రకృతి అందాలను తన కెమెరాలో బంధించి సోషల్ మీడియాలో షేర్​ చేస్తుంటారు. నాకు చిన్నప్పటి నుంచి ఫొటోగ్రఫీ అంటే ఎంతో ఇష్టం. చిన్నప్పుడు నేను కెమెరాలు కొనుక్కోలేకపోయాను. ఇక సినిమాల్లోకి వచ్చాక నాకు తెలియకుండానే అదొక అలవాటు అయిపోయింది. అని ఓ ఇంటర్వ్యూలో చిరు తెలిపారు.

చదవలేకపోయేవారట..

టాలీవుడ్​కు బాస్​ అని ముద్దుగా పిలుచుకునే చిరంజీవి చేతి రాత అస్సలు బాగుండదట. చిరు రాసిన దాన్ని మళ్లీ ఆయనే చదవలేకపోయేవారట. సమయం దొరికినప్పుడల్లా హ్యాండ్ రైటింగ్​ను ప్రాక్టీస్​ చేస్తుంటానని చిరు పేర్కొన్నారు.

తొలి దక్షిణాది హీరోగా..

సినీ రంగంలో అత్యంత ప్రతిష్టాత్మకంగా భావించే అవార్డ్ ఆస్కార్​. ఈ అవార్డు రావడం ఎంతో గొప్ప విషయమని అందరికి తెలుసు. అలాగే ఈ వేడుకల్లో పాల్గొనడం కూడా అంతే గొప్ప విషయం. అయితే ఈ వేడుకల్లో పాల్గొనే అవకాశం అందుకున్న తొలి దక్షిణాది హీరో చిరంజీవి. 1987లో జరిగిన ఆస్కార్ అవార్డు ఫంక్షన్​లో చిరు పాల్గొన్నారు.

రెండు బిరుదులున్న హీరో..

చిరంజీవికి మెగాస్టార్​ అని బిరుదు రాకముందు సుప్రీమ్ అనే బిరుదు ఉండేది. సినీ కెరీర్​ తొలి నాళ్లలో ఆయనను సుప్రీమ్​ హీరోగా పిలిచేవారు. అనంతరం వచ్చిన మరణ మృదంగం సినిమా తర్వాత మెగాస్టార్​గా మారాడు చిరంజీవి. ఈ మూవీ ప్రొడ్యూసర్​ కేఎస్​ రామారావు చిరుకు ఆ బిరుదు ఇచ్చారట. దీంతో రెండు బిరుదులు పొందిన హీరోగా చిరు గుర్తింపు పొందారు.

అందుకోసమే రెండేళ్లు ఒకే షర్ట్​..

చిరు హీరోగా విజువల్ గ్రాఫిక్స్​తో తెరకెక్కిన మూవీ అంజి. ఈ మూవీ కోసం ఓ షర్ట్​ని రెండేళ్లపాటు ఉతకకుండా వేసుకున్నారట. ఈ చిత్రం క్లైమాక్స్​ను సుమారు రెండేళ్లపాటు తరెక్కెక్కించారట దివంగత దర్శకుడు కోడి రామకృష్ణ. క్లైమాక్స్ కోసం షర్ట్​ను ఉతకకుండా ఉంచాల్సి వచ్చిందని అప్పట్లో కోడి రామకృష్ణ తెలిపారు.