హోమ్

హీరో

యంగ్ హీరో నితిన్ కొత్త చిత్రానికి సర్వం సిద్ధం అవుతోంది. వరుస పరాజయాలతో సతమతమవుతున్న నితిన్ ఈ సారి ఎలాగైనా హిట్టు కొట్టాలనే కసితో ఉన్నాడు. దాని కోసం చిన్న అవకాశాన్ని కూడా విడిచిపెట్టడం లేదు. నితిన్ నెక్స్ట్ మూవీ వెంకీ కుడుముల దర్శత్వంలో ఉండబోతున్న సంగతి తెలిసిందే. ప్రీ ప్రొడక్షన్ వర్క్ రెడీ అయ్యాక ఈ చిత్రాన్ని లాంచ్ చేయాలనే ఆలోచనలో ఉన్నారు.

ఈ చిత్రానికి క్రేజీ కాంబినేషన్ సెట్ చేసినట్లు వార్తలు వస్తున్నాయి. ఛలో చిత్రాన్ని వినోదాత్మకంగా మలచి హిట్ అందుకున్నాడు. నితిన్ కోసం రూపొందించిన కథలో కూడా వినోదాత్మక అంశాలు చాలానే ఉన్నాయట. ఈ చిత్రానికి భీష్మ అనే టైటిల్ పరిశీలిస్తున్నట్లు తెలుస్తోంది. వివాహానికి దూరంగా ఉన్న ఓ యువకుడి కథని వెంకీ కుడుముల ఆసక్తికరంగా చూపించబోతున్నట్లు తెలుస్తోంది.

నితిన్ చిత్రానికి తొలిసారి దేవిశ్రీ ప్రసాద్ సంగీతం ఆడించబోతున్నట్లు వార్తలు వస్తున్నాయి. క్రేజీ హీరోయిన్ రష్మిక నితిన్ సరసన రొమాన్స్ చేయబోతున్నట్లు తెలుస్తోంది.