గోదావరి సినిమాలో హీరో ఛాన్స్ మిస్ చేసుకున్న పవర్ స్టార్ పవన్ కల్యాణ్.. ఎందుకో తెలుసా?

గోదావరి.. ఓ చల్లటి సినిమా అని చెప్పడంలో ఎలాంటి అతిశయోక్తి లేదు. అద్భుతమైన కథతో వచ్చి అందరినీ తెగ అలరించిన ఈ సినిమా అప్పట్లో సెన్సేషన్ క్రియేట్ చేసింది. ఇప్పటికీ ఈ సినిమాకు సెపరేట్ ఫ్యాన్స్ ఉన్నారంటే అతిశయోక్తి కాదు. ఈ సినిమా చూసిన ప్రతీ ఒక్కరికీ.. ఆ గోదావరి పడలో ప్రయామం చేసిన ఫీలింగ్ కచ్చితంగా వస్తుంది. అలాంటి ఈ క్రేజీ సినిమా సుమంత్, కమిలినీ ముఖర్జీలు హీరోహీరోయిన్లుగా విపరీతమైన క్రేజ్ అందుకున్నారు. అయితే ఈ సినిమాలో హీరోగా ముందుగా పవన్ కల్యాణ్ ను తీసుకోవాలనుకున్నారట. కానీ ఆయన ఈ చిత్రానికి నో చెప్పారట. ఎందుకు చెప్పారో మనం ఇప్పుడు తెలుసుకుందాం.

ది గ్రేట్ డైరెక్టర్ శేఖర్ కమ్ముల దర్శకత్వంలో వచ్చిన క్రేజీ సినిమానే గోదావరి. 2006లో వచ్చిన ఈ సినిమాలో చాలా భాగం గోదావరి నది, పాపికొండల ప్రాంతంలో చిత్రీకరించారు. ముఖ్యంగా ఈ సినిమాలో సుమంత్, కమలినీ ముఖర్జీలు హీరోహీరోయిన్లుగా నటించగా.. ఈ సినిమా సూపర్ హిట్ గా నిలిచింది. వీరు మాత్రమే కాకుండా ఈ సినిమాలో నీతు చంద్ర, కమల్ కామరాజు, తనికెళ్ల భరణి, మధ మని, గంగాధర్ పాండే, సీవీఎల్ నరసింహారావు, కరాటే కల్యాణీ, నటకుమారి కీలక పాత్రల్లో నటించి మెప్పించారు.

అలాగే ఈ సినిమాను జీ.వి.జి రాజు నిర్మించగా.. కె. ఎం రాధాకృష్ణ సంగీతం అందించారు. విజయ్ సి కుమార్ సినిమాటోగ్రాఫర్ గా పని చేశారు. సినిమాతో పాటు అందులోని పాటలు కూడా అదిరిపోయాయి. ముఖ్యంగా ఈ సినిమాలో ఉప్పొంగెలే గోదావరి, మనసా వాచా, తిప్పల తప్పులు, మనసా గెలుపు, అందంగా లేనా, రామ చక్కని సీతకు వంటి పాటలు అయితే ఇప్పటికీ చాలా మందికి హాట్ ఫేవరెంట్. అద్భుతమైన సినిమాకు తోడు చక్కని పాటలు ఉన్న ఈ సినిమా సూపర్ డూపర్ హిట్ గా నిలిచి సెన్సేషన్ క్రియేట్ చేసింది.

అయితే అందరికీ జీవితాంతం గుర్తుండిపోయే ఈ సినిమాలో హీరోగా సుమంత్ చేశారు. కానీ ఈ సినిమాలో హీరోగా ముందుగా వేరే స్టార్ నటుడిని తీసుకోవాలని డైరెక్టర్ శేఖర్ కమ్ముల అనుకున్నారట. అదే విషయం ఆయనతో చెప్పి సినిమా కథను కూడా వినిపించారట. కానీ పవన్ కల్యాణ్ మాత్రం ఈ సినిమా చేయలేనని వివరించారట. తనకు వేరే సినిమాలు ఉండడం.. చాలా బిజీగా ఉండడంతో చేయలేనని స్పష్టం చేశారట.

ఆ తర్వాత కూడా డైరెక్టర్ శేఖర్ కమ్ముల.. వేరే హీరోలను అప్రోచ్ అయ్యారట. ముఖ్యంగా సూపర్ స్టార్ మహేష్ బాబుతో పాటు.. గోపీచంద్ ను కూడా అడిగారట. కానీ వాళ్లిద్దరికీ కూడా డేట్లు ఖాళీ లేకపోవడంతో.. ఈ సినిమాకు వాళ్లు కూడా నో చెప్పారట. అలా ఈ ముగ్గురు హీరోలు ఆ అవకాశం వదులుకోగా.. సుమంత్ కు ఛాన్స్ వచ్చింది. ఈ అవకాశాన్ని అందిపుచ్చుకున్న సుమంత్ చక్కగా వాడుకొని బాగా నటించగా.. ఈ సినిమా సూపర్ హిట్ గా నిలిచింది.