Don't Miss!
- Automobiles మండే వేసవిలో ట్రాఫిక్ పోలీసులకు చల్లచల్లని ఏసీ హెల్మెట్లు.. ఎక్కడో తెలుసా.??
- News డబ్బులేమైనా చెట్లకు కాస్తాయా?: ఉచితాలపై వెంకయ్య నాయుడు
- Finance Gold Rate: గుడ్న్యూస్.. కుప్పకూలిన పసిడి ధర.. నేడు రూ.15,300 తగ్గిన గోల్డ్ రేటు..
- Travel Hanuman Jayanti 2024 : ఢిల్లీలోని ఈ పురాతన హనుమాన్ దేవాలయాలను చూడాల్సిందే..!
- Sports జైస్వాల్.. వాళ్లపై ఎందుకంత కక్ష?- సునీల్ గవాస్కర్
- Lifestyle Mango Tea: ఇకపై తొక్కేకదా అని పారేయకండి.. ఇలా టీ చేసుకుని తాగండి..శరీరంలో జరిగే అద్భుతాలు చూడండి..
- Technology శాంసంగ్ స్మార్ట్ఫోన్ డిస్ప్లేలో గ్రీన్ లైన్ కనిపిస్తోందా.. అయితే ఉచితంగా స్క్రీన్ రీప్లేస్ చేస్తారు...
ప్రభాస్కు మరో సర్జరీ జరిగిందా… అసలు విషయం ఇదే!
ప్రభాస్ వరుసగా ఫ్యాన్ ఇండియా సినిమాలను లైన్లో పెడుతున్న విషయం తెలిసిందే. అయితే ఆయన హీరోగా నటిస్తున్న సినిమాల్లో అందరి ఫోకస్ ఎక్కువగా సైన్స్ ఫిక్షన్ ఫిలిమ్ ప్రాజెక్ట్ K పైనే ఉంది. నాగ్ అశ్విన్ దర్శకత్వంలో తెరకెక్కుతున్న ఈ సినిమాను వైజయంతి మూవీస్ భారీ బడ్జెట్తో నిర్మిస్తోంది. అయితే ఈ సినిమా విడుదల తేదీపై ఇటీవల ఇచ్చిన ఇంటర్వ్యూలో నిర్మాత సి.అశ్వినీ దత్ అధికారికంగా క్లారిటీ ఇచ్చారు. నిజానికి 'సలార్' సినిమా షూటింగ్ లో ప్రభాస్ కి గాయాలయ్యాయని, దీంతో చిన్న ఆపరేషన్ చేయాల్సి వచ్చిందని అంటున్నారు. ఈ ఆపరేషన్ యూరప్ లో చేయించుకున్నారట ప్రభాస్. ఇదిలా ఉండగా.. రీసెంట్ గా 'ప్రాజెక్ట్ K' నిర్మాత అశ్వనీదత్.. ప్రభాస్ సర్జరీ కోసం విదేశాలకు వెళ్లారని కామెంట్స్ చేశారు.
'సీతా రామం' సినిమా ప్రీరిలీజ్ ఈవెంట్కు ప్రభాస్ చీఫ్ గెస్ట్గా రావాల్సి ఉందని.. కానీ కాలి సర్జరీ కోసం ఆయన ఫారెన్ కి వెళ్లినట్లు అశ్వినీదత్ మీడియాలో చెప్పారు. ఇప్పటికే ప్రభాస్ కి ఒకసారి సర్జరీ అయింది. ఇప్పుడు మళ్లీ సర్జరీ అని చెప్పడంతో ఫ్యాన్స్ టెన్షన్ పడుతున్నారు. కానీ అసలు విషయం ఏమిటంటే నిజానికి ప్రభాస్ ఈసారి యూరప్ వెళ్లింది సర్జరీ కోసం కాదట. కేవలం ఆ సర్జరీకి సంబంధించిన చెకప్ కోసం ఆయన వెళ్లినట్లు తెలుస్తోంది. పోస్ట్ ఆపరేషనల్ చెకప్ లో భాగంగా ప్రభాస్ యూరప్ కి వెళ్లారని ఆయన సన్నిహితులు చెబుతున్నారు.
ఆగస్టు మొదటివారంలో ఆయన తిరిగి హైదరాబాద్ చేరుకుంటారని అంటున్నారు. అంతేకాక ఒకట్రెండు వారాల రెస్ట్ తీసుకున్న తరువాత తిరిగి 'సలార్', 'ప్రాజెక్ట్ K' సినిమాల షూటింగ్ పునః ప్రారంభిస్తారని అంటున్నారు. అశ్వినీ దత్ ఇచ్చిన ఇంటర్వ్యూలో అయితే సినిమాను 2023 అక్టోబర్ 18వ తేదీన విడుదల చేసే అవకాశం ఉందని అన్నారు. దసరా సమయంలో హాలిడేస్ ఉంటాయి కాబట్టి సినిమాకు తప్పకుండా మంచి కలెక్షన్స్ వస్తాయి అని అదే తేదీ బెస్ట్ అని అనుకుంటున్నాట్లుగా చెబుతున్నారు.