Don't Miss!
- News వైసీపీలోకి జనసేన కోనసీమ కీలక నేత..!!
- Technology Motorola నుంచి రెండు కొత్త ఇయర్ బడ్స్ లాంచ్! ధర, ఫీచర్లు
- Sports వరల్డ్ కప్కు దూబె ఎంపికైనట్లే.. కానీ ఓ సమస్య- డివిలియర్స్
- Lifestyle 56 ఏళ్లుగా ఎవరికీ కనిపించకుండా ఇంట్లోనే దాక్కున్న ఓ రహస్య వ్యక్తి... ఆడవాళ్లంటే వింత భయం..!
- Automobiles త్వరలో మేడ్ ఇన్ ఇండియా బుల్లెట్ ట్రైన్స్.. ఇక ప్రపంచ దేశాలన్నీ భారత్ వైపు చూడాల్సిందే.!!
- Travel సిక్కింలోని యుమ్తంగ్ వ్యాలీ వేసవిలో సందర్శనకు ఉత్తమం..
- Finance ఆ కంపెనీ కొనే రేసులో టాటాలు, అంబానీ, రాధాకిషన్ దమానీ..!! పూర్తి వివరాలు..
Vijay Devarakonda: లైగర్ కోసం విజయ్ దేవరకొండ ఇంతలా కష్టపడ్డాడా? వీడియో చూస్తే షాక్ అవ్వాల్సిందే!
పెళ్లి చూపులు సినిమాతో హీరోగా తనముద్ర వేసుకున్నాడు రౌడీ హీరో విజయ్ దేవరకొండ. తర్వాత వచ్చిన అర్జున్ రెడ్డి, గీత గోవిందం సినిమాలతో ఫుల్ పాపులారిటీ సంపాదించుకున్నాడు. ఇక ఇటీవల పూరీ జగన్నాథ్ దర్శకత్వంలో తెరకెక్కిన లైగర్ మూవీతో తన కెరీర్లో మొదటగా పాన్ ఇండియా చిత్రం చేశాడు. అయితే అనేక భారీ అంచనాల మధ్య విడుదలైన ఈ మూవీ అనుకున్నంతగా హిట్ సాధించలేకపోయింది. కానీ ఈ సినిమా కోసం విజయ్ దేవరకొండ పడిన కష్టం చూస్తే షాక్ అవ్వాల్సిందే. లైగర్లో బాక్సింగ్ సన్నివేశాల కోసం విజయ్ దేవరకొండ ఎలా కష్టపడ్డాడో ఓ వీడియోలో చూపించారు. ప్రస్తుతం ఈ వీడియో నెట్టింట ట్రెండ్ అవుతోంది.
స్టోరీ ఎలా ఉన్నా..
ఇక విజయ్ దేవరకొండ గురించి పక్కనే పెడితే.. టాలీవుడ్ డేరింగ్ అండ్ మాస్ డైరెక్టర్ అంటే వెంటనే గుర్తు వచ్చే పేరు పూరీ జగన్నాథ్. ఆయన సినిమాలకు ఓ సెపరేట్ ఫ్యాన్ బేస్ ఉంది. జయాపజయాల సంగతి పక్కన పెట్టి ఆయన డైలాగ్స్, స్క్రీన్ ప్లేకు అభిమానులు ఎంతో మంది ఉన్నారు. పూరి జగన్నాథ్ సినిమా వస్తుందంటే చాలు స్టోరీ ఎలా ఉన్నా.. మూవీ టేకింగ్, డైలాగ్స్ కోసం ఎగబడి చూసే వారు ఎక్కువే.
డిజాస్టర్ టాక్..
అలాంటి పూరి జగన్నాథ్ దర్శకత్వంలో రౌడీ హీరోగా ముద్ర వేసుకున్నవిజయ్ దేవరకొండ సినిమా అంటే ఆ హైప్ మాములుగా రాలేదు. మళ్లీ అందులోనూ లైగర్ మూవీ బాక్సింగ్ (మిక్స్డ్ మార్షల్ ఆర్ట్స్) నేపథ్యంలో ఉండటం, బాక్సింగ్ లెజండరీ మైక్ టైసన్ నటించడంతో సినిమాపై అంచనాలు ఆకాశాన్నంటాయి. ఈ అంచనాలను తలకిందులు చేస్తూ లైగర్ మూవీ డిజాస్టర్ టాక్ తెచ్చుకుంది.
విజయ్ దేవరకొండ యాక్టింగ్కు ఫిదా..
ఆగస్టు 25న ప్రేక్షకుల ముందుకు వచ్చిన లైగర్ చిత్రం ఎలా ఉన్నా విజయ్ దేవరకొండ యాక్టింగ్కు, యాక్షన్కు ఆడియెన్స్ ఫిదా అయ్యారు. లైగర్లో విజయ్ దేవరకొండ అలా స్టంట్స్ చేయడానికి తెర వెనుక పడిన కష్టం చాలానే ఉంది. దాదాపు 2 సంవత్సరాలు సిక్స్ ప్యాక్ను మెయింటేన్ చేయడం, బాక్సింగ్లో శిక్షణ తీసుకోవడం, రెగ్యూలర్గా డైట్ ఇలా చెప్పుకుంటూ పోతే చాలానే ఉన్నాయి.
|
వీడియో చూస్తే షాక్..
వీటన్నింటికి మించి లైగర్లో బాక్సింగ్ సీన్లలో నటించేందుకు విజయ్ దేవరకొండ పడిన కష్టం చూస్తే ఔరా అనిపించేలా ఉంది. ఇందుకు సంబంధించిన ఒక వీడియో ప్రస్తుతం సోషల్ మీడియాలో హల్చల్ చేస్తోంది. లైగర్ సినిమా కోసం విజయ్ దేవరకొండ హార్డ్ వర్క్, డెడికేషన్ చూడండి అంటూ ఫ్యాన్స్, నెటిజన్లు ఆ వీడియోను నెట్టింట షేర్ చేస్తున్నారు. ఈ వీడియోలో బాక్సింగ్ రింగ్లో చేసే ఫైట్ సీన్ కోసం విజయ్ దేవరకొండ ప్రాక్టీస్ చేసినట్లుగా తెలుస్తోంది.
థ్రిల్లింగ్గా వీడియో..
ఈ వీడియో చూస్తే అది ప్రాక్టీస్లా కనిపించట్లేదు. సేమ్ సినిమాలో తెరకెక్కించిన ఫైట్ సీన్లానే కనిపిస్తోంది. ప్రత్యర్థిని విజయ్ దేవరకొండ కొట్టడం, అతను విజయ్ను తన్నడం, మధ్య మధ్యలో విజయ్ దేవరకొండ సెటైరికల్ నవ్వులతో ఆద్యంతం థ్రిల్లింగ్గా ఉంది ఈ వీడియో. ఇక ఇదిలా ఉంటే ఆగస్టు 25న ప్రపంచవ్యాప్తంగా విడుదలైన లైగర్ మూవీ ఫ్లాప్ టాక్ను తెచ్చుకున్న విషయం తెలిసిందే.
రెమ్యునరేషన్లో కొంత వెనక్కి..
ఇలా అన్ని భాషల్లోనూ లైగర్ డిజాస్టర్ టాక్ తెచ్చుకోవడంతో మూవీ నిర్మాతలకు పెద్ద ఎత్తున నష్టాలను మిగిల్చిందని సినీ విశ్లేషకులు అంటున్నారు. దీంతో నాన్ థియేట్రికల్ రైట్స్లో తన వాటాతో పాటు పారితోషికంలోని రూ. 6 కోట్లను నిర్మాతలకు విజయ్ దేవరకొండ తిరిగి వెనక్కి ఇచ్చి మంచి మనసు చాటుకున్నాడని సమాచారం.