Don't Miss!
- News కాలేజ్ అమ్మాయి ఇంటికి వెళ్లిన సీఎం, పోలింగ్ కు ఒక్కరోజు ముందు ప్రతిపక్షాలకు ఝలక్!
- Lifestyle చాణక్య నీతి ప్రకారం, ఈ అలవాట్లు మీకు తెలియకుండానే మీ సంపదను పూర్తిగా నాశనం చేస్తాయి...!
- Sports SRH vs RCB: కొంపముంచిన విరాట్ కోహ్లీ జిడ్డు బ్యాటింగ్!
- Technology OnePlus Watch 2 వన్ప్లస్ వాచ్ 2 కొత్త వేరియంట్ విడుదల.. ధర, సేల్ పూర్తి వివరాలు..!
- Finance Jio Cinema Premium: నెలకు 29లతో జియో ప్రీమియం..
- Automobiles వందేభారత్ రైళ్లలో 1 లీటర్ వాటర్ బాటిల్ రద్దు.. రైల్వే శాఖ కీలక నిర్ణయం
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
గోపీచంద్ బ్యాడ్ లక్.. ఇచ్చిన రెమ్యునరేషన్ వెనక్కి తీసుకున్న నిర్మాత
టాలీవుడ్ మాస్ హీరోల్లో ఒకడైన గోపిచంద్ అంటే అన్ని వర్గాల ప్రేక్షకులు లైక్ చేస్తారు. మొదట్లో ఎంతగానో కష్టపడి విలన్ గా చేసిన గోపిచంద్ ఆ తరువాత హీరోగా మారాడు. అందుకే గోపిచంద్ కి ఇండస్ట్రీలో ఒక మంచి పేరుంది. ఎలాంటి కాంట్రవర్సీలకు పోకుండా పెద్దగా హడావుడి కూడా చేయకుండా ఉండే గోపి అంటే స్టార్ హీరోలకు కూడా ఇష్టమే. ప్రభాస్ గోపిచంద్ బెస్ట్ ఫ్రెండ్ అని స్పెషల్ గా చెప్పనవసరం లేదు.
నిర్మాతకు డబ్బులు ఇచ్చేసిన హీరో..
ఇక గత కొంత కాలంగా గోపిచంద్ వరుస అపజయలతో సతమతమవుతున్న విషయం తెలిసిందే. ఎలాగైనా సక్సెస్ అందుకోవాలని డిఫరెంట్ సినిమాలు చేస్తున్నప్పటికీ ఫలితం దక్కడం లేదు. అయితే ఇటీవల ఒక సినిమా క్యాన్సిల్ అవ్వడంతో గోపిచంద్ నిర్మాతకు డబ్బులు వెనక్కి ఇచ్చేసినట్లు తెలుస్తోంది. ఒక విధంగా కరోనా దెబ్బ కొట్టినట్లు తెలుస్తోంది.
తమిళ్ దర్శకుడితో స్టార్ట్ చేసిన ఆ సినిమా..
సీనియర్ నిర్మాత BVSN ప్రసాద్ ప్రొడక్షన్ లో గత ఏడాది ఒక సినిమాను ఎనౌన్స్ చేశారు. తమిళ్ డైరెక్టర్ సెల్వా రాఘవన్ తెరకెక్కించిన యుగానికి ఒక్కడు, వర్ణ సినిమాలకి సహాయ దర్శకుడిగా పని చేసిన భిను సుబ్రహ్మణ్యం దర్శకుడిగా పరిచయం అవుతూ లాంచ్ అయిన ఆ సినిమాను సమ్మర్ లోనే స్టార్ట్ చేయాల్సింది. కానీ కరోనా వైరస్ దెబ్బకు వెనకడుగు వేయాల్సి వచ్చింది.
రెండు కోట్ల రెమ్యునరేషన్ ని..
హిస్టారికల్ యాక్షన్ అడ్వెంచర్ గా ఆ సినిమా తెరకెక్కే అవకాశం ఉన్నట్లు అప్పట్లో టాక్ బాగానే వచ్చింది. కానీ సినిమాను ప్రస్తుత పరిస్థితుల్లో తెరకెక్కించలేను అని నిర్మాత వివరణ ఇవ్వడంతో గోపిచంద్ ఆ ప్రాజెక్టు నుంచి తప్పుకోవాల్సి వచ్చిందట. అడ్వాన్స్ గా ఇచ్చిన రెండు కోట్ల రెమ్యునరేషన్ ని కూడా నిర్మాత వెనక్కి తీసుకున్నట్లు కథనాలు వెలువడుతున్నాయి.
Recommended Video
ఆ సినిమాతో ఎలాగైనా సక్సెస్ కొట్టాలని
ఇది ఎంతవరకు నిజమో తెలియదు గాని ఇప్పటికే గోపీచంద్ వరుస అపజయాలతో ఇబ్బంది పడుతున్నారు. ప్రస్తుతం అతని చేతిలో సీటీమార్ సినిమా మాత్రమే ఉంది. గౌతమ్ నంద దర్శకుడు సంపత్ నంది తెరకెక్కిస్తున్న ఆ సినిమాలో తమన్నా హీరోయిన్ గా నటిస్తోంది. ఆ సినిమాతో ఎలాగైనా సక్సెస్ కొట్టాలని చాలా గట్టిగా కష్టపడుతున్నారు. మరి గోపీకి ఎలాంటి సక్సెస్ వస్తుందో చూడాలి. తేజ దర్శకత్వంలో కూడా గోపి ఒక సినిమాకు కమిటైన విషయం తెలిసిందే.