ఎదురుచూసినందుకు థాంక్స్.. ఈ వారమే చెబుతాం.. హీరో రామ్!

హీరో రామ్ నుంచి మరో రొమాంటిక్ లవ్ స్టోరీ రాబోతోంది. రామ్ ప్రస్తుతం త్రినాథ్ రావు నక్కిన దర్శత్వంలో నటిస్తున్న సంగతి తెలిసిందే. ఈ చిత్ర టైటిల్ హలొ గురు ప్రేమకోసమే. రామ్ సరసన ఈ చిత్రంలో అనుపమ పరమేశ్వరన్ నటిస్తోంది. స్టార్ ప్రొడ్యూసర్ దిల్ రాజు ఈ చిత్రాన్ని నిర్మిస్తున్నారు.

నేను శైలజ చిత్రంలో రామ్ హిట్ అందుకున్నాడు. ఆ తరువాత మళ్ళీ ఫెయిల్యూర్స్ ఎదురయ్యాయి. హాలోగురు ప్రేమ కోసమే చిత్రం తనకు విజయాన్ని అందిస్తుందని రామ్ ధీమాతో ఉన్నాడు. ఈ చిత్రానికి సంబంధించి ఫస్ట్ లుక్ విడుదలైంది కానీ ఆ తరువాత ఎలాంటి అప్డేట్ లేదు.

తాజాగా రామ్ ట్విట్టర్ లో స్పందిస్తూ ఇప్పటివరకు ఓపికతో ఎదురుచూసినందుకు థాంక్స్. ఈ వారమే హలొ గురు ప్రేమ కోసమే చిత్ర వివరాలు తెలియజేస్తాం అని రామ్ తెలిపాడు. ఈ చిత్రాన్ని దసరా కానుకగా విడుదల చేసేందుకు సన్నాహకాలు జరుగుతున్నాయి.