Ram Marriage: ప్రియురాలితో హీరో రామ్ పెళ్లి.. నిశ్చితార్థం, వివాహం అప్పుడే.. అమ్మాయి ఎవరంటే!

అలా పరిచయం.. ఎనర్జిటిక్ స్టార్‌గా

హీరో రామ్ పోతినేని 'దేవదాసు' అనే సినిమాతో హీరోగా పరిచయం అయ్యాడు. అది సూపర్ హిట్ అవడంతో పాటు అతడికి ఎనర్జిటిక్ స్టార్ బిరుదును తెచ్చి పెట్టింది. ఆ తర్వాత ఈ యంగ్ హీరో చాలా సినిమాలు చేశాడు. అందులో ఎక్కువ శాతం విజయాలు సాధించాయి. దీంతో ఇతగాడికి మంచి పేరు దక్కింది. ఆ తర్వాత ఫలితాలతో సంబంధం లేకుండా సినిమాలు చేశాడతను.

వరుస ఫ్లాపులు.. హిట్ ట్రాక్ ఎక్కేసి

ఆ మధ్య పరాజయాలతో సతమతం అవుతోన్న రామ్‌.. పూరీ జగన్నాథ్ తెరకెక్కించిన 'ఇస్మార్ట్ శంకర్' వచ్చింది. ఈ చిత్రం భారీ విజయాన్ని అందుకుంది. అంతేకాదు, కలెక్షన్ల పరంగానూ దుమ్ముదులిపేసి రామ్ కెరీర్‌లోనే బిగ్గెస్ట్ హిట్‌గా నిలిచింది. దీని తర్వాత అతడు 'రెడ్' కూడా మంచి విజయాన్ని అందుకుంది. దీంతో రెట్టించిన ఉత్సాహంతో సినిమాలు చేస్తున్నాడు.

ద వారియర్‌గా మారిపోయిన రామ్

హీరో రామ్ పోతినేని ప్రస్తుతం కోలీవుడ్ డైరెక్టర్ లింగుసామి దర్శకత్వంలో 'ద వారియర్' అనే సినిమాను చేస్తున్న విషయం తెలిసిందే. పవర్‌ఫుల్ కాప్ స్టోరీతో రాబోతున్న ఈ సినిమాలో కృతి శెట్టి హీరోయిన్‌గా చేస్తోంది. ఆది పినిశెట్టి విలన్‌గా నటిస్తున్నాడు. ఇప్పటికే ఈ సినిమాకు సంబంధించిన షూటింగ్ పూర్తైంది. ప్రస్తుతం పోస్ట్ ప్రొడక్షన్ పనులు శరవేగంగా సాగుతున్నాయి.

బోయపాటితో జత కట్టిన స్టార్ హీరో

రామ్ - లింగుసామి కాంబినేషన్‌లో రాబోతున్న సినిమా జూలైలో విడుదల కాబోతుంది. ఇదిలా ఉండగానే ఈ స్టార్ హీరో టాలీవుడ్ మాస్ డైరెక్టర్ బోయపాటి శ్రీనుతో కలిసి ఓ సినిమా చేయబోతున్నాడు. ఇది పాన్ ఇండియా రేంజ్‌లో రూపొందబోతుంది. ఇప్పటికే దీనికి సంబంధించిన పూజా కార్యక్రమాలు కూడా పూర్తయ్యాయి. త్వరలోనే ఇది రెగ్యూలర్ షూట్ జరుపుకోనుంది.

పెళ్లికి సిద్ధం అవుతోన్న హీరో రామ్

వరుస హిట్లతో ఫుల్ ఫామ్‌లో ఉన్న హీరో రామ్ పోతినేని పెళ్లి గురించి చాలా రోజులుగా ఎన్నో రకాల వార్తలు వైరల్ అవుతోన్న విషయం తెలిసిందే. ఈ నేపథ్యంలో తాజాగా అతడి వివాహం గురించి మరో ఆసక్తికరమైన వార్త ఫిలిం నగర్ ఏరియాలో తెగ చక్కర్లు కొడుతోంది. దీని ప్రకారం.. హీరో రామ్ ప్రేమ పెళ్లి చేసుకోబోతున్నాడట. దీనికి ఇరు కుటుంబాల పెద్దలు ఒప్పుకున్నారట.

నిశ్చితార్థం, వివాహం డేట్లు ఫిక్స్

తాజాగా అందుతోన్న సమాచారం ప్రకారం.. హీరో రామ్ పెళ్లి ఈ ఏడాదే జరిగేలా ప్లాన్ చేసుకుంటున్నారట. ఇప్పుడు ఆషాడ మాసం ఉన్న కారణంగా వచ్చే ఆగస్టులో నిశ్చితార్థం జరపాలని పెద్దలు నిర్ణయించుకున్నారని తెలిసింది. అలాగే, కార్తీక మాసంలో అంటే వచ్చే నవంబర్‌లో రామ్ పెళ్లి జరిగేలా ప్లాన్ చేసుకుంటున్నారట. త్వరలోనే దీనిపై ప్రకటన రాబోతుందని సమాచారం.

రామ్ పెళ్లాడేది ఎవరినో తెలిస్తే!

హీరో రామ్ సినీ పరిశ్రమకు చెందిన అమ్మాయినే పెళ్లి చేసుకుంటాడని ఆ మధ్య ప్రచారం జరిగింది. కానీ, అందులో నిజం లేదని తాజాగా తెలిసింది. చాలా కాలంగా ఈ స్టార్ హీరో తన చిన్ననాటి స్నేహితురాలితో పీకల్లోతు ప్రేమలో ఉన్నాడట. ఇప్పుడు ఆమెనే అతడు వివాహం చేసుకోబోతున్నాడని తెలిసింది. ఆమె ప్రముఖ వ్యాపారవేత్త కుమార్తె అని ఇండస్ట్రీలో టాక్ వినిపిస్తోంది.