బన్నీ టచ్ చేస్తే అంతే... సాయి పల్లవిపై ఆ రూమర్స్ నిజం కాదు: శర్వానంద్

అది అల్లు అర్జున్ అంటే...

ఆయన బిజీ షెడ్యూల్‌లో బాంబేలో బిజీగా ఉన్నాడు. ఎప్పుడు ఫంక్షన్ పెట్టుకోవాలి అని అడిగితే... అంత పెద్ద స్టార్ అయినా.... శర్వా నీ సినిమా రిలీజ్ 21న కాబట్టి దాన్ని బట్టి నేను ఫ్లెక్సిబుల్ గా ఉంటాను, నువ్వు ఎప్పుడంటే అప్పుడుడేట్‌ ఇస్తాను' అన్నాడు. అది అల్లు అర్జున్‌ అంటే... ఈ వేడుకకు వచ్చినందుకు బన్నికి థాంక్స్‌.

ఎంతో మందికి ఇన్‌స్పిరేషన్

చాలా మందికి బన్ని ఇన్‌స్పిరేషన్‌. ఎందుకంటే మేమందం మంచి సినిమాలు, డిఫరెంట్‌ సినిమాలు చేస్తాం. కానీ బన్నిలో ఓ క్వాలిటీ ఉండబట్టే మాకంటే ఒక స్టెప్ పైన ఉంటాడు. తను 100కి 150 పర్సెంట్‌ ఎఫర్ట్‌ పెడతాడు. అది మేము పెట్టం. ఆయన్ను చూసి మా లాంటివారు ఇక్కడి వరకు రావడానికి తను ఇన్‌స్పిరేషన్‌. తనలో ఉన్న మంచి క్వాలిటీ చిన్నా, పెద్దా అని తేడా లేకుండా, మంచి సినిమా వస్తే, హీరోకు, దర్శకుడికి తొలి అప్రిషియేషన్‌ ఫోన్‌ బన్ని నుండే వెళుతంది.

ప్లాప్ డైరెక్టర్‌తో ఎందుకు? అన్నారు

సినిమా విషయానికి వస్తే.. హను 'లై' తీశాడు. ప్లాప్‌ డైరెక్టర్. శర్వా, సాయిపల్లవికి కలిపితే ఇంత మార్కెట్‌ ఉంటుంది. దానికి మించి ఖర్చు ఎందుకు పెట్టారని అందరూ అడుగుతున్నారు. దానికి కారణం సినిమాలోని కంటెంట్. కథపై చాలా కాన్ఫిడెంట్‌గా ఉన్నాం.

మా బ్లడ్ తాగేశాడు

నా నుంచి సంవత్సరం నుంచి సినిమా రాకవడానికి కారణం ‘పడి పడి లేచె మనసు' లాంటి ఒక మంచి ప్రొడక్టుతో మీ ముందుకు వద్దామనే. నిర్మాతగారు నాకు బ్రదర్‌లా అయిపోయారు. ఇది నా బేనర్ అని చెప్పుకోవచ్చు. హను రాఘవపూడిని అంతా సినిమా పిచ్చోడు అంటారు. నిజంగా మా అందరి బ్లడ్ తాగేశాడు. కొత్త శర్వాను చూపించబోతున్నాడు. నాకు యాక్టింగులో గురువులాగా అయిపోయాడు.

సాయి పల్లవి గురించి మీరు విన్నదంతా సోది

సాయిపల్లవి గురించి ఎంత చెప్పినా తక్కువే. ఆమె గురించి చాలా(రూమర్స్) విని ఉంటారు. అదంతా సోది. ఇంతకంటే డేడికెటేడ్‌ యాక్ట్రెస్ ఉండదు. ఈ సినిమా నాకు సాయి పల్లవి లాంటి మంచి ఫ్రెండ్‌ ఇచ్చింది.

వాళ్ల నాన్న చనిపోయినా...

మ్యూజిక్ డైరెక్టర్ విశాల్‌ రోజు ఇది. పది రోజుల క్రితం వాళ్ల తండ్రి చనిపోయారు. ఆ బాధను దాచుకుని ఆర్‌ఆర్‌ కంప్లీట్‌ చేశాడు. మధ్య మధ్యలో పక్కకు వెళ్లి ఏడ్చి వచ్చేవాడు. తన డేడికేషన్‌కి హ్యాట్సాఫ్‌. జె.కె సినిమాటోగ్రఫీ అద్భుతం. బన్నీ కూడా విజువల్స్ చూసి బావున్నాయి అన్నాడు. కె.కెగారు చాలా మంచి లిరిక్స్‌ అందించారు.

నా తమ్ముడి సినిమా కూడా హిట్ చేయండి

21న మా సినిమాతో పాటు నా తమ్ముడు వరుణ్‌తేజ్‌ సినిమా అంతరిక్షం కూడా విడుదలవుతోంది. క్రిస్మస్‌ సీజన్‌ పదిరోజుల సెలవులున్నాయి. రెండు సినిమాలు చూడండి. రెండు సినిమాలను హిట్‌ చేయండి'' అన్నారు.