నచ్చకపోతే తిట్టండి, ఏం చేసినా..: సందీప్ కిషన్.. తమన్నా చెప్పినప్పుడు భయమేసింది..

సినిమా చూస్తున్నంత సేపు

తమన్నా మాట్లాడుతూ.. డిసెంబర్ 7 న రిలీజ్ అవుతుంది సినిమా.. సినిమా చూస్తున్నంతసేపు మీరు చాలా బాగా ఎంజాయ్ చేస్తారు.. విజువల్స్ మీకు బాగా నచ్చాయనుకుంటున్నాను.. ఈ సినిమా అందరి వేసిన టాగ్స్‌‌ని దాటుకుని ఒక మంచి సినిమాగా అవుతుందని కోరుకుంటున్నాను.. మ్యూజిక్ కి మంచి రెస్పాన్స్ వచ్చింది.. ఆడియో ని ఇంత పెద్ద హిట్ చేసిన ప్రేక్షకులకు చాలా థాంక్స్.. సందీప్, నవదీప్ లతో యాక్ట్ చేయడం ఆనందంగా ఉంది.. మంచి ఎక్స్ పీరియన్స్ వచ్చింది.. కునాల్ గారు ఈ రోజు ఇక్కడ లేరు.. చాల బాగా సినిమా తీశారు.. ఈ సినిమా ని విజయవంతం చేయాలనీ కోరుకుంటున్నాను అన్నారు..

తమన్నాతో కలిసి వర్క్ చేయడం

సందీప్ కిషన్ మాట్లాడుతూ.. ముందుగా ఈ సినిమా ప్రొడ్యూసర్ నాకు చాలా చాలా నచ్చిన వ్యక్తి. ప్రొడక్షన్ చాలా బాగా చేసారు. దర్శకుడు కునాల్ కోహ్లీతో పనిచేయడం చాల గొప్ప అనుభూతిని ఇస్తుంది. హమ్ తుమ్, ఫనా లాంటి సినిమాలు చేసిన అయన తో వర్క్ చేయడం గొప్ప విషయం. తమన్నా లాంటి హీరోయిన్ తో చేయడం కూడా చాలా బాగా అనిపించింది. మేమేం చేసిన అది ప్రేక్షకుల కోసమే, నచ్చకపోతే తిట్టే హక్కు మీకుంటుంది.. నచ్చితే పొగిడే ప్రేమ మీకుంటుంది. ఈ సినిమాని ఎంతో నిజాయితీగా చేశాం. సినిమా ఎంతో సరదాగా తీశాం. మిమ్మల్ని తప్పకుండా ఎంటర్‌టైన్ చేస్తుంది. తప్పకుండా సినిమా చూడండి అన్నారు.

నాది చిన్న పాత్రే కానీ

హీరో నవదీప్ మాట్లాడుతూ.. ఈ సినిమాలో నాది చిన్న పాత్ర. సినిమా విషయానికొస్తే సినిమా పాటలు చాల బాగా వచ్చాయి. అందరి దగ్గరినుంచి మంచి రెస్పాన్స్ వస్తుంది. మ్యూజిక్ డైరెక్టర్ లియోన్ జేమ్స్ మంచి మ్యూజిక్ ఇచ్చారు. సినిమా కూడా చాలా బాగా వచ్చింది. తప్పకుండా ఈ సినిమా అందరికి నచ్చుతుందని అనుకుంటున్నాను అన్నారు..

నాకెంతో స్పెషల్

మ్యూజిక్ డైరెక్టర్ లియోన్ జేమ్స్ మాట్లాడుతూ.. సినిమా పాటలు మీ అందరికి నచ్చాయని అనుకుంటున్నాను.. ఈ సినిమా నాకెంతో స్పెషల్.. ఎందుకంటే తెలుగులో నేను చేస్తున్న మొట్టమొదటి సినిమా.. సినిమాలోని పాటలు కూడా వేటికవే ప్రత్యేకమైనవి.. నన్ను ఈ సినిమాలో ఒక పార్ట్ అయ్యేలా చేసిన సినిమా టీం కి చాల థాంక్స్. డిసెంబర్ 7 న వచ్చే ఈ సినిమా ని అందరు ఎంజాయ్ చేస్తారని నమ్ముతున్నాను అన్నారు..

తమన్నా చెప్పినప్పుడు భయం

ఈ సందర్భంగా నిర్మాత అక్షయ్ పూరి మాట్లాడుతూ.. తెలుగులో నేను చేస్తున్న మొదటి సినిమా ఇది.. తమన్నా ఈ సినిమాని తెలుగులో చేద్దామని చెప్పినప్పుడు భయం వేసింది మాకు తెలుగు తెలీదు, డైరెక్టర్ కునాల్ గారికి తెలుగు తెలీదు ఎలా అని అనుకున్నాం కానీ తమన్నా మంచి మోటివ్ ఇచ్చింది.. ఫైనల్ గా సినిమా చాలా బాగా వచ్చింది.. అందరు చాల బాగా పనిచేసారు.. ఈ సినిమా అందరికి నచ్చితే నెక్స్ట్ ఏంటి 2 కూడా తెరకెక్కిస్తాం అన్నారు.