Ram Charan ఇది గ్లోబల్ వైడ్​గా​ రామ్​ చరణ్ క్రేజ్​.. హాలీవుడ్ నిర్మాణ సంస్థ బిగ్ అనౌన్స్​మెంట్​!

మెగా పవర్ స్టార్ రామ్ చరణ్ గురించి ఎంత చెప్పిన తక్కువే అవుతుంది. సినిమా సినిమాకు తన లుక్స్​ మారుస్తూ, నటనలో మరింత మెరుగుపడుతూ స్టార్​ హీరోగా ఎదిగారు. ఇక గతేడాది ఆర్​ఆర్​ఆర్​ చిత్రంతో మెగా పవర్ స్టార్​గా ఉన్న ఆయన ఏకంగా గ్లోబల్ స్టార్​గా మారి తన క్రేజ్​ పరిధిని మరింత పెంచుకున్నారు . ఈ చిత్రంలో రూత్​లెస్ పోలీస్ ఆఫీసర్​గా తన పర్ఫెక్ట్​ లుక్​​ అండ్​ ​సూపర్ యాక్టింగ్​తో హాలీవుడ్​ దర్శకనిర్మాతల్ని, ప్రేక్షకుల్ని మంత్రముగ్ధుల్ని చేశారు. అయితే తాజాగా ఆయనకు సంబంధించి ప్రముఖ హాలీవుడ్ సంస్థ ఓ బిగ్ అనౌన్స్​మెంట్ చేసి బిగ్ సర్​ప్రైజ్ చేసింది. దీంతో మెగా అభిమానులు మరోసారి కాలర్ ఎగరేస్తూ సంతోషం వ్యక్తం చేస్తున్నారు.

వివరాల్లోకి వెళితే. రామ్​ చరణ్​ ఇప్పుడీ పేరుకు ఉన్న క్రేజ్​ గురించి ప్రత్యేకంగా చెప్పనక్కర్లేదు. మెగాస్టార్ చిరంజీవి వారసుడిగా ఎంట్రీ ఇచ్చిన ఆయన తన రెండో సినిమాతోనే ఇండస్ట్రీ హిట్ కొట్టి తండ్రికి తగ్గ తనయుడు అని అనిపించుకున్నారు. ఆ తర్వాత ఆరెంజ్​, రచ్చ, నాయక్‌, తుఫాన్‌, ఎవడు, గోవిందుడు అందరివాడేలే, బ్రూస్‌లీ.. ఇలా పలు కమర్షియల్ చిత్రాలతో ప్రేక్షకుల్ని అలరించారు. కానీ ఆ తర్వాత ధ్రువ చిత్రంతో రూటు మార్చి అనంతరం రంగస్థలంతో తనలోని పూర్తి ప్రతిభను బయటకు పెట్టి ఇమేజ్‌ను పూర్తిగా మార్చుకున్నారు. మెగా అభిమానులతో పాటు ఇతర హీరోల ఫ్యాన్స్​ కూడా ఈ చిత్రంలో చెర్రీ నటనకు ఫిదా అయిపోయారనే చెప్పాలి.

అనంతరం వినయ విధేయ రామతో పరాజయాన్ని అందుకున్న చరణ్​ ఆ తర్వాత ఎన్టీఆర్​తో కలిసి ఆర్‌ఆర్‌ఆర్‌ చేసి బాక్సాఫీసు వద్ద ఏకంగా రూ. 1200 కోట్లకుపైగా వసూళ్లను సాధించారు. పలు అంతర్జాతీయ అవార్డులను దక్కించుకున్నారు. ముఖ్యంగా ఈ చిత్రం ఆయన ఇమేజ్​ను మరింత మార్చేసింది. అప్పటి వరకు టాలీవుడ్​ వరకు మాత్రమే పరిమితమైన ఆయన క్రేజ్ ఒక్కసారి సౌత్ ఇండస్ట్రీ, నార్త్ ఇండస్ట్రీ మాత్రమే కాదు ఇంటర్నేషనల్​ రేంజ్​లో పాకింది. హాలీవుడ్​ ప్రేక్షకులంతా చరణ్​ కటౌట్​, నటనకు ఫిదా అయిపోయారు.

హాలీవుడ్ మీడియా అయితే చెర్రీ పేరును జపం చేసింది. అక్కడ మీడియా చరణ్ ఇంటర్వ్యూలు కోసం పోటీ పడ్డారు. అక్కడి దర్శకనిర్మాతలు సైతం.. రూత్‌లెస్ పోలీస్ ఆఫీసర్‌గా చరణ్ చేసిన యాక్టింగ్​కు ఫిదా అయిపోయారు. జేమ్స్ బాండ్ లాంటి సినిమాలకు రామ్ చరణ్ పర్ఫెక్ట్ ఛాయిస్ అంటూ కొనియాడిన సందర్భాలు కూడా ఉన్నాయి. అయితే తాజాగా గ్లోబల్ వైడ్​గా రామ్ చరణ్ క్రేజ్ ఎలా ఉందో చెప్పడానికి మరో ఉదాహరణ వెలుగులోకి వచ్చింది.

ఏకంగా అక్కడి ప్రముఖ కాస్టింగ్ సైట్​ ఓ బిగ్ అనౌన్స్​మెంట్ చేసింది. ఒక హాలీవుడ్ ప్రాజెక్ట్ కోసం రామ్ చరణ్ లాంటి నటుడు కావాలంటూ ప్రకటన ఇచ్చింది. అందుకోసం ఊదాహరణగా హాలీవుడ్​ ఐకానిక్​ పాత్రలను చూపించింది. వాటితో పాటే ఆర్​ఆర్​ఆర్​లోని రామ్​చరణ్​ పోలీస్ ఆఫీసర్ రోల్​ను కూడా చూపించింది.

మరి అలాంటి ఐకానిక్​ రోల్స్ మధ్య రామ్ చరణ్ స్థానం దక్కించుకున్నారంటే గొప్ప విషయమనే చెప్పాలి. ప్రస్తుతం ఈ అనౌన్స్​మెంట్​ టాలీవుడ్ ఇండస్ట్రీలో హాట్ టాపిక్​గా మారింది. ఇది చూసిన చరణ్ అభిమానులు.. అది హాలీవుడ్​లో చరణ్ క్రేజ్ అంటూ తెగ సంతోషం వ్యక్తం చేస్తున్నారు. కాగా రామ్ చరణ్ ప్రస్తుతం గేమ్ ఛేంజర్ సినిమాలో నటిస్తున్నారు. త్వరలోనే ఈ చిత్రం రిలీజ్ కానుంది.