అన్న హెల్ప్ చేయలేదు, నీ దారి నీదే అన్నాడు: ఆనంద్ దేవరకొండ

అన్నయ్య హెల్ఫ్ చేయనని చెప్పాడు

సంవత్సరం క్రితం అన్నయ్యకు ఈ సినిమా గురించి చెప్పి.. నేను సినిమా రంగాన్ని కెరీర్‌గా ఎంచుకుంటున్నట్లు చెప్పాను. నా చదువుకి, అమెరికాలో చేసిన మాస్టర్స్‌కు ఇది పూర్తిగా విభిన్నమైనది. ఇలా ఎవరూ చేయరు. అపుడు విజయ్ ఒకటే చెప్పాడు. సినిమా రంగంలో నీ దారి నువ్వే చూసుకో అన్నాడు. నా హెల్ప్ ఏమీ ఉండదు... అని చెప్పినట్లు ఆనంద్ తెలిపారు.

నా సహాయం లేకుండా ఎదుగు అన్నాడు

‘‘నేను నిన్ను ఈ దారిలోకి లాగినట్లు ఉండకూడదు. నీకు అన్నీ సెటప్ చేసి, ఇన్‌ఫ్ల్యూయెన్స్ చేసి, ఒక డైరెక్టర్‌ను పెట్టి, స్క్రిప్టింగ్ మార్పులు చేస్తే నువ్వు ఏం చేస్తావు? ఇందులో నీ కష్టం ఏముంటుంది? నీ జర్నీ నీది, నీ ఎక్స్ పీరియన్స్ నీది.. నువ్వు నటుడిగా ఎలా ఈ పరిశ్రమలో ఎదుగుతావు? అనేది నువ్వే చూసుకోవాలి అని విజయ్ చెప్పాడు" అని ఆనంద్ తెలిపారు.

అన్నయ్య కష్టాన్ని దగ్గరుండి చూశాను

సినిమా ఇండస్ట్రీలో స్టాండ్ అవ్వడం ఎంత కష్టమో తెలుసు. నేను అన్నయ్య కష్టాన్ని దగ్గరుండి గమనించాను. సినిమా అవకాశాల కోసం ప్రొడక్షన్ ఆఫీసుల చుట్టూ తిరగడం చూశాను. థియేటర్ చేస్తూ సినిమాల కోసం ట్రై చేశాడు. అందుకే నేను కూడా అన్నయ్యలా ఎవరి సహాయం లేకుండా ఎదగాలనే ఇండస్ట్రీకి వచ్చినట్లు ఆనంద్ దేవరకొండ స్పష్టం చేశారు.

అందుకే అన్నయ్యను అడగలేదు

అన్నయ్యను నా సినిమా టీజర్ షేర్ చేయ్.. రీచ్ ఎక్కువగా ఉంటుంది ఎప్పుడూ అడగలేదు. ఎందుకంటే మేము నిజాయితీగా సినిమా చేశాం కాబట్టి రేపు సినిమానే మాట్లాడుతుంది. ఎంత పుష్ చేయాలో అంత చేస్తాం... సినిమా బావుంటే చూస్తారు. మా అన్నయ్య టీజర్ షేర్ చేసినంత మాత్రన సినిమా ఆడదు.... అని ఆనంద్ తెలిపారు.