నచ్చితే నచ్చుతా, నచ్చకపోయినా ఫర్వాలేదు, మీ కోసం మారను : విజయ్ దేవరకొండ

నేను నాలా ఉంటాను, ఇంకొకరి కోసం మారను

ఇలా చేస్తే రైటు, ఇలా చేస్తే రాంగ్ అని ఎప్పుడూ అనుకోను. చాలా మంది అడ్వైజెస్ ఇస్తుంటారు. ఇలా ఉండాలి, అలా చేయాలి.. ఒక యాక్టర్ అంటే ఇలా మాట్లాడాలి అని అందరికీ ఒక స్ట్రక్చర్ క్రియేట్ చేస్తారు. కానీ నేను నాలాగే ఉంటాను. ఇతరులు కోరుకున్న విధంగా నేను ఉండలేను. మనం అందరం ఎవరికి వారే యునిక్. మనలా ఇంకొకరు ఉండరు. అందుకే నేను ఇంకొకరి కోసం మారను... అని విజయ్ దేవరకొండ స్పష్టం చేశారు.

ఒకప్పుడు నేనూ అలాగే ఉన్నాను...

మనకు స్కూలుకు వెళ్లినప్పటి నుంచే మనంపై ఇలా ఉండాలి, అలా చేయాలి అని రుద్దడం మొదలవుతుంది. అందరూ ఒకే యూనిఫాం వేసుకోవాలి, ఒకే ఆన్సర్ రాయాలి.. ఇదే కరెక్ట్ ఆన్సర్ అంటూ అందరినీ ఒక పద్దతిలో ఉంచే ప్రయత్నం చేస్తారు. ఒకానొక సమయంలో సొసైటీ ట్రైన్ చేసినట్లే నేను ఉన్నాను.

కష్టాలతో యుద్ధం చేశాను, మారిపోయాను

కానీ పెరిగే కొద్దీ జీవితం అంటే ఏమిటో తెలుసుకున్నాను. కష్టాలతో యుద్ధం చేశాను. ఆ సమయంలో ఆ ట్రైనింగ్ అంతా పోయి నేను ఎలా ఉండాలనుకున్నానో అలా మారిపోయాను. ప్రతి సక్సెస్ మనపై మనకు నమ్మకం పెంచుతుంది. నీపై నీకు కాన్ఫిడెన్స్ పెరుగుతుంది.

మీకు నచ్చితే నచ్చుతా, నచ్చకపోయినా ఫర్వాలేదు

వాళ్లకు అలవాటు ఉన్నట్లు నేనెందుకు ఉండాలి? నన్ను వాళ్లు అలవాటు చేసుకుంటారు అనే ఆలోచనలోకి మారిపోయాను. నన్ను నాలా ఉండనీయండి, మీకు నచ్చితే నచ్చుతా, నచ్చకపోయినా ఫర్వాలేదు అనే మెచ్యూరిటీ నాలో వచ్చింది.. అని విజయ్ దేవరకొండ చెప్పుకొచ్చారు.