Don't Miss!
- News డీజీ ఆంజనేయులు, సీపీ కాంతిరాణా టాటాపై ఈసీ బదిలీ వేటు: కీలక ఆదేశాలు
- Sports CSK vs LSG: శతక్కొట్టిన రుతురాజ్ గైక్వాడ్.. చితక్కొట్టిన శివమ్ దూబే!
- Lifestyle గాడిదపాలు అమ్మి కోట్ల వ్యాపారం.. లీటరు ధర రూ.7,000లు పైమాటే..!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
రౌడీయిజంపై నితిన్ సినిమా.. కథ ఇదేనా!
యంగ్ హీరో నితిన్ గత ఏడాది ఛల్ మోహన్ రంగ, శ్రీనివాస కళ్యాణం చిత్రంలో నటించాడు. ఈ రెండు చిత్రాలు నితిన్ కు నిరాశనే మిగిల్చాయి. ఈ ఏడాదిలో మాత్రం తన చిత్రాల విషయంలో పక్కా ప్రణాళికతో వ్యవహరించాలని నితిన్ భావిస్తున్నాడు. ఛలో చిత్రంతో మంచి విజయాన్ని అందుకున్న వెంకీ కుడుముల దర్శత్వంలో నటించేందుకు నితిన్ గ్రీన్ సిగ్నల్ ఇచ్చిన సంగతి తెలిసిందే. ఈ చిత్రం కాకుండా నితిన్ ఇటీవల తన బర్త్ డే సందర్భంగా మరో రెండు చిత్రాలని ప్రకటించాడు. దీనితో నితిన్ నటించబోయే తదుపరి మూడు చిత్రాలు ఖరారయ్యాయి.
కృష్ణ చైతన్య దర్శత్వంలో నితిన్ ఓ చిత్రాన్ని ప్రకటించాడు. ఈ చిత్రానికి పవర్ పేట్ అనే ఆసక్తికరమైన టైటిల్ ని ఖరారు చేసినట్లు తెలుస్తోంది. ఈ చిత్ర కథ రౌడీయిజం నేపథ్యంలో ఉండబోతోందట. ఈ చిత్రానికి పవర్ పేట్ అనే టైటిల్ ఎంచుకోవడానికి బలమైన కారణం ఉంది. ఏలూరు లో పవర్ పేట్ అనే రైల్వే స్టేషన్ ఉంది. బ్రిటిష్ కాలం నుంచి ఆ ప్రాంతానికి పవర్ పేట్ అనే పేరు వచ్చిందట.
ఆ ప్రాంతంలో రౌడీయిజం ఛాయలు ఎక్కువగా కనిపిస్తూ ఉంటాయి. వంగవీటి రంగా, దేవినేని నెహ్రూ వద్ద పనిచేసిన రౌడీషీటర్స్ హత్యలు చాలా దారుణంగా జరిగాయట. ఈ అంశంతోనే కృష్ణ చైతన్య కథ సిద్ధం చేసినట్లు వార్తలు వస్తున్నాయి. దీనిపై అధికారిక సమాచారం వెలువడాల్సి ఉంది. కృష్ణ చైతన్య ఏలూరు నగరానికి చెందిన వ్యక్తే కావడంతో ఈ అంశాలపై పూర్తి అవగాహనతో ఉన్నట్లు తెలుస్తోంది.