రెండు ఫ్లాప్‌ల తర్వాత ప్రభాస్ కీలక నిర్ణయం.. సినిమాలో ఆయన కచ్చితంగా ఉండాల్సిందే.!

హిట్ అవ్వకున్నా భారీగా ప్లస్ అయింది

ప్రభాస్‌తో యంగ్ డైరెక్టర్ సుజిత్ తెరకెక్కించిన చిత్రం ‘సాహో'. యూవీ క్రియేషన్స్ బ్యానర్ నిర్మించిన ఈ మూవీ నాలుగు భాషల్లో విడుదలైంది. ఇందులో శ్రద్దా కపూర్ హీరోయిన్‌గా నటించింది. ఎన్నో అంచనాలతో వచ్చిన ఈ సినిమా నిరాశనే మిగిల్చింది. అయినప్పటికీ ప్రభాస్‌ కెరీర్‌కు బాగా ప్లస్ అయింది. ముఖ్యంగా ఈ మూవీ బాలీవుడ్‌లో ఎన్నో రికార్డులను బద్దలు కొట్టింది.

రొమాంటిక్ యాంగిల్ చూపించబోతున్నాడు

భారీ బడ్జెట్‌తో తెరకెక్కించిన ‘సాహో' తర్వాత కూడా ప్రభాస్ అదే తరహా ప్రాజెక్టును చేస్తున్నాడు. జిల్ ఫేం రాధాకృష్ణ తెరకెక్కిస్తున్న ఈ మూవీకి ‘జాన్' అనే వర్కింగ్ టైటిల్ పెట్టారు. ఇందులో పూజా హెగ్డే హీరోయిన్. గోపీ కృష్ణా బ్యానర్, యూవీ క్రియేషన్స్ సంస్థ సంయుక్తంగా నిర్మిస్తున్న ఈ మూవీ వేసవిలో విడుదల కానుంది. ఇందులో ప్రభాస్ రొమాంటిక్ యాంగిల్ చూపించబోతున్నాడట.

గ్యాప్ ఇచ్చిన ప్రభాస్.. ఎన్నో అనుమానాలు

ఈ సినిమాను షూటింగ్ గతంలోనే ప్రారంభమైంది. యూరప్‌లో చాలా సన్నివేశాలను చిత్రీకరించారు. కానీ, ‘సాహో' కోసం ఆ సినిమాను ఆపేశారు. అయితే, గత ఏడాది చివర్లో ‘జాన్' షూటింగ్ మొదటి షెడ్యూల్ పూర్తయింది. దాని తర్వాత ప్రభాస్ చాలా గ్యాప్ తీసుకున్నాడు. దీంతో ఈ సినిమా విషయంలో ఎన్నో అనుమానాలు తెరపైకి వచ్చాయి.

ఫ్యాన్స్‌తో పాటు అందరికీ సర్‌ప్రైజ్ ఇచ్చాడు

ప్రభాస్ చాలా రోజుల పాటు షూటింగ్‌కు గ్యాప్ ఇచ్చాడు. దీంతో ఈ సినిమా కూడా ఆలస్యం అవుతుందని అతడి అభిమానులు నిరాశకు లోనయ్యారు. ఈ నేపథ్యంలో ప్రభాస్ స్లిమ్‌ లుక్‌లో కనిపించడం చూసి వారంతా షాక్ అయ్యారు. ఈ గ్యాప్‌లో ప్రభాస్ ఫిట్‌నెస్ ట్రైనర్ లాయిడ్‌ స్టీవెన్‌ శిక్షణలో జిమ్‌లో కసరత్తులు చేశాడు. అందుకే ఈ లుక్‌లో కనిపించాడు.

సినిమాలో ఆయన కచ్చితంగా ఉండాల్సిందే.!

జాన్‌లో ప్రభాస్ పెదనాన్న కృష్ణంరాజు కీలక పాత్రను పోషిస్తున్నారు. ఈ విషయాన్ని ఆయనే స్వయంగా వెల్లడించారు. ఆయన ఈ సినిమాలో నటించడానికి వెనుక ప్రభాస్ పాత్ర ఉందని తాజాగా ఓ వార్త బయటకు వచ్చింది. దర్శకుడితో చెప్పి మరీ ఆయన కోసం మంచి పాత్రను రాయించాడని అంటున్నారు. దీంతో రెబెల్ స్టార్ ఫ్యాన్స్‌ సంతోషం వ్యక్తం చేస్తున్నారు.

రెండు ఫ్లాప్‌ల తర్వాత ప్రభాస్ కీలక నిర్ణయం

గతంలో కృష్ణం రాజు - ప్రభాస్ కాంబినేషన్‌లో ‘బిల్లా', ‘రెబెల్' అనే సినిమాలు వచ్చాయి. ఈ రెండు మూవీలు బాక్సాఫీస్ ముందు బోల్తా పడ్డాయి. అయినప్పటికీ తన కొత్త సినిమాలో కృష్ణంరాజును నటింపజేస్తున్నాడు ప్రభాస్. ఈ సినిమాతో హిట్ కొట్టి బ్యాడ్ సెంటిమెంట్‌కు బ్రేక్ వేయాలని ఆయన భావిస్తున్నట్లు ప్రచారం జరుగుతోంది. చూడాలి మరి ఏం జరుగుతుందో.!