మహేష్ బాబు ట్వీట్‌పై... టీఆర్ఎస్ నేత హరీష్ రావు ఫ్యాన్స్ ఫైర్!

హాట్సాఫ్ ఇంజనీర్స్ అంటూ... మహేష్ బాబు ట్వీట్

‘‘తెలంగాణ రాష్ట్రంలో ప్రపంచంలోనే అతిపెద్ద ఇరిగేషన్ ప్రాజెక్టు నిర్మించారు. దీని రూపకల్పన వెనక ఉన్న ఇంజనీర్లకు హాట్సాఫ్. ఇదొక విప్లవాత్మక, ఆదర్శవంతమైన ప్రాజెక్ట్. ఈ సందర్భంగా తెలంగాణ సీఎంఓ, కేటీఆర్‌కు కంగ్రాట్స్'' అంటూ మహేష్ బాబు ట్వీట్ చేశారు.

మహేష్ బాబు ఎందుకు ఇలా?

పార్టీ పర్సన్ అయిన కేటీఆర్‌కు మహేష్ బాబు ఎందుకు అభినందనలు తెలుపుతున్నారో అర్థం కావడం లేదు. మీరు అభినందించాల్సింది హరీష్ రావును... కాళేశ్వరం ప్రాజెక్ట్ పూర్తి కావడం వెనక హరీష్ రావు కష్టం ఎంతో ఉంది. 2014 నుంచి 2019కు ఆయన ఇరిగేషన్ మినిస్టర్‌గా పని చేశారంటూ కొందరు నెటిజన్లు కామెంట్లు పోస్ట్ చేస్తున్నారు.

ఒక అభిమానిగా మీ ట్వీట్ చూసి డిసప్పాయింట్ అయ్యా..

‘‘ఒక అభిమానిగా మీరు చేసిన ట్వీట్ చూసి డిసప్పాయింట్ అయ్యా అన్నా... ఈ ప్రాజెక్ట్ కోసం రాత్రింభవళ్లు కష్టపడిన హరీష్ రావు గురించి పట్టించుకోకపోవడం బాధగా ఉంది. ఆయన పడిన శ్రమకు క్రెడిట్ దక్కకుండా చేస్తున్నారు'' అంటూ మరొకరు స్పందించారు.

మన సెలబ్రిటీలకు ఏమీ తెలియదు

మన సినీ సెలబ్రిటీలకు ఏమీ తెలియిదు. ప్రస్తుతం రాష్ట్రంలో జరుగుతున్న అంశాలపై వారికి పెద్దగా అవగాహన ఉండదు. నాకు కేటీఆర్ సర్ మీద ఎలాంటి వ్యతిరేకత లేదు. కానీ కాళేశ్వరం ప్రాజెక్ట్ క్రెడిట్ దక్కాల్సింది హరీష్ రావు, కేసీఆర్, విద్యాసాగర్ రావులకే... ఈ ప్రాజెక్ట్ వెనక వారి కృషి ఎంతో ఉంది...అంటూ అసంతృప్తి వ్యక్తం చేస్తున్నారు.