For Quick Alerts
    ALLOW NOTIFICATIONS  
    For Daily Alerts

    మంచు మనోజ్ సినిమాలో మెగా హీరో: ఆ పాత్రలో కనిపించి మెప్పించనున్నాడట

    |

    కలెక్షన్ కింగ్ మోహన్ బాబు కుమారుడిగా సినిమాల్లోకి ప్రవేశించాడు ఎనర్జిటిక్ హీరో మనోజ్. చిన్న వయసులోనే చైల్డ్ ఆర్టిస్టుగా మెప్పించిన అతడు.. 'దొంగ దొంగది' సినిమాతో హీరోగా మారాడు. అప్పటి నుంచి ఎన్నో చిత్రాల్లో నటించాడు. ఈ క్రమంలోనే కొన్ని విజయాలనైతే అందుకున్నాడు కానీ.. భారీ హిట్లను మాత్రం తన ఖాతాలో వేసుకోలేకపోయాడు. దీంతో సరైన బ్రేక్ కోసం చాలా కాలంగా వేచి చూస్తున్నాడీ యంగ్ హీరో. ఇలాంటి పరిస్థితుల్లో ఈ సారి ఎలాగైనా హిట్ కొట్టాలన్న పట్టుదలతో ఉన్నాడు. ఇందుకోసం సరికొత్త కాన్సెప్టుతో 'అహం బ్రహ్మాస్మి' అనే మూవీ చేస్తున్నాడు.

    'ఒక్కడు మిగిలాడు' అనే సినిమా తర్వాత సినీ కెరీర్‌కు గ్యాప్ ఇచ్చాడు మంచు మనోజ్. ఈ నేపథ్యంలో సుదీర్ఘ విరామం తర్వాత అతడు చేస్తున్న చిత్రమే 'అహం బ్రహ్మాస్మి'. దర్శకుడు శ్రీకాంత్ రెడ్డి ఈ చిత్రాన్ని తెరకెక్కిస్తుండగా ఎమ్ఎమ్ ఆర్ట్స్ పతాకంపై మంచు ఫ్యామిలీలోని వాళ్లంతా స్వయంగా ఈ సినిమాను నిర్మిస్తున్నారు. ఇందులో తమిళ నటి ప్రియా భవానీ శంకర్ హీరోయిన్‌గా నటిస్తోంది. ఎంతో ప్రతిష్టాత్మకంగా రూపొందుతోన్న ఈ చిత్రం ఇప్పటికే యాభై శాతం షూటింగ్‌ను పూర్తి చేసుకున్నట్లు తెలుస్తోంది. మిగిలిన భాగాన్ని కూడా త్వరలోనే పూర్తి చేయనున్నారు.

    Manchu Manoj Clarity about Sai Dharam Tej role

    డిఫరెంట్ కాన్సెప్టుతో రూపొందుతోన్న 'అహం బ్రహ్మాస్మి' గురించి తాజాగా ఓ న్యూస్ ఫిలిం నగర్ ఏరియాలో చక్కర్లు కొడుతోంది. దీని ప్రకారం.. ఈ మూవీలో సుప్రీమ్ హీరో సాయి ధరమ్ తేజ్ కూడా నటిస్తున్నాడట. అయితే, అతడు చేసేది ఫుల్ లెంగ్త్ రోల్ మాత్రం కాదు. కేవలం రెండు నిమిషాల పాటు కనిపించే స్పెషల్ రోల్ అని తెలిసింది. సినిమా క్లైమాక్స్‌లో వచ్చే ఆ పాత్ర అదిరిపోయే పంచ్‌తో ఓ ట్విస్టును రివీల్ చేస్తుందని అంటున్నారు. దీనికి సంబంధించిన షూటింగ్ కొద్ది రోజుల్లోనే ప్రారంభం అవుతుందని తెలుస్తోంది. ఇందులోనే సాయి ధరమ్ సీన్స్ చిత్రీకరిస్తారని సమాచారం.

    English summary
    Manchu Manoj Kumar is an Indian film actor known for his works exclusively in Telugu cinema. Kumar first appeared at the age of ten as a child artist in Major Chandrakanth. He made his film debut in a leading role with Donga Dongadi in 2004.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X