హోమ్

హీరో

మంచు విష్ణు చాలా కాలంగా విజయం కోసం ప్రయత్నిస్తున్నాడు. విష్ణు చివరగా నటించిన ఆచారి అమెరికా యాత్ర చిత్రం నిరాశ పరిచింది. ప్రస్తుతం ఈ మంచువారబ్బాయి నటిస్తున్న చిత్రం ఓటర్. జిఎస్ కార్తీక్ ఈ చిత్రానికి దర్శకుడు. పవర్ ఫుల్ పొలిటికల్ డ్రామాగా ఈ చిత్రం తెరక్కుతోంది. తాజాగా ఈ చిత్ర నిర్మాత జాన్ సుధీర్ మాట్లాడుతూ.. ఓటర్ చిత్రాన్ని ఏప్రిల్ లో విడుదల చేయనున్నట్లు ప్రకటించారు.

రాజకీయ నేపథ్యంలో, ఓటు హక్కు ప్రాముఖ్యతని తెలియజేసేలా ఈ చిత్రం ఉంటుందని అన్నారు. రాజకీయ నాయకుల భవితవ్యాన్ని ప్రజలు ఈ ఓటు హక్కుతోనే తేల్చుతారు. ఈ చిత్రంలో మంచు విష్ణుకి జోడిగా సురభి నటించింది. ఉత్కంఠ భరితంగా సాగే ఈ పొలిటికల్ థ్రిల్లర్ లో మంచు విష్ణు అద్భుతంగా నటించారని నిర్మాత అన్నారు.

తమన్ ఈ చిత్రానికి సంగీత దర్శకుడు. విష్ణు కెరీర్ లో ఢీ, దేనికైనా రెడీ లాంటి హిట్స్ ఉన్నాయి. విష్ణు తదుపరి చిత్రం శ్రీనువైట్ల దర్శత్వంలో ఉండబోతున్నట్లు వార్తలు వస్తున్నాయి. దీనిపై అధికారిక ప్రకటన రావాల్సి ఉంది.