Don't Miss!
- Sports RR vs DC: కన్నీటి పర్యంతమైన రియాన్ పరాగ్!
- News గ్యాంగ్స్టర్, రాజకీయ నేత ముఖ్తార్ అన్సారీ గుండెపోటుతో మృతి
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
సరికొత్త లుక్తో షాకిచ్చిన మెగాస్టార్ చిరంజీవి: కుర్ర హీరోలు సైతం కుళ్లుకోవడం ఖాయం!
తెలుగు సినీ ఇండస్ట్రీలో దాదాపు నలభై ఏళ్లుగా తన ఆధిపత్యాన్ని ప్రదర్శిస్తున్నారు మెగాస్టార్ చిరంజీవి. కెరీర్ ఆరంభంలోనే ఎన్నో విజయాలను సొంతం చేసుకున్న ఆయన.. తక్కువ సమయంలోనే స్టార్ హీరోగా ఎదిగిపోయారు. అలా చాలా కాలం పాటు టాలీవుడ్లో తన హవాను చూపించారు. ఇక, కొన్నేళ్ల క్రితం రాజకీయాల కోసం సినిమాలకు బ్రేకిచ్చారు. ఆ తర్వాత సుదీర్ఘ విరామం అనంతరం 'ఖైదీ నెంబర్ 150'తో రీఎంట్రీ ఇచ్చారు.
సినిమాల్లోకి రీఎంట్రీ ఇచ్చిన తర్వాత మెగాస్టార్ చిరంజీవి దూకుడు ప్రదర్శిస్తున్నారు. వరుసగా సినిమాలు ఒప్పుకుంటూ ముందుకెళ్తున్నారు. ఈ క్రమంలోనే ప్రస్తుతం కొరటాల శివ దర్శకత్వంలో 'ఆచార్య' అనే సినిమా చేస్తున్నారు. ఇందులో మెగా పవర్ స్టార్ రామ్ చరణ్ కూడా కీలక పాత్రను పోషిస్తున్న విషయం తెలిసిందే. దీని తర్వాత 'లూసీఫర్', 'వేదాళం' చిత్రాల రీమేక్లలో నటించనున్నారు. వీటితో పాటు మరిన్ని సినిమాలను పట్టాలెక్కించే పనిలో బిజీగా ఉన్నారాయన.
ఇలాంటి సమయంలో మెగాస్టార్ చిరంజీవి... అక్కినేని సమంత హోస్ట్ చేస్తున్న 'సామ్ జామ్' అనే చిట్ చాట్ షోకు ముఖ్య అతిథిగా వెళ్లారు. దీనికి సంబంధించిన షూటింగ్ ఇప్పటికే పూర్తయింది. ప్రస్తుతం ఆ ఫొటోలు సోషల్ మీడియాలో వైరల్ అవుతున్నాయి. ఈ కార్యక్రమానికి హాజరయ్యే క్రమంలో ఆయన సరికొత్త లుక్తో దర్శనమిచ్చారు. గతంలో ఎన్నడూ చూడని హెయిర్ స్టైల్తో పాటు స్లిమ్గా కనిపిస్తున్నారు. దీంతో మెగా అభిమానులు ఫుల్ ఖుషీ అయిపోతున్నారు.
ఇదిలా ఉండగా, ఇటీవల చిరంజీవికి కరోనా పాజిటివ్ వచ్చింది. అయితే, తనకు ఎటువంటి లక్షణాలు లేకపోవడంతో రెండు రోజుల తర్వాత మరోసారి పరీక్షలు చేయించుకున్నారాయన. రెండో సారి చేసిన టెస్టులో ఆయనకు నెగటివ్ వచ్చింది. ఆ సమయంలో కరోనా టెస్టులపై చిరంజీవి అనుమానాలు వ్యక్తం చేసిన విషయం తెలిసిందే.