Naga Chaitanya: ఆమె అంటే క్రష్​.. ఆ ఛాన్స్ వస్తే అస్సలు వదులుకోను.. చైతన్య కామెంట్స్​ వైరల్​

నాగార్జున తనయుడిగా సినీ ఇండస్ట్రీకి

టాలీవుడ్​ మన్మథుడు నాగార్జున తనయుడిగా సినీ ఇండస్ట్రీకి నాగ చైతన్య ఎంట్రీ ఇచ్చి 13 ఏళ్లు కావొస్తుంది. 2009లో విడుదలైన జోష్​ సినిమాతో హీరోగా పరిచయమైన చైతూ సినీ కెరీర్​లో ఎన్నో హిట్లు, ఫట్లు ఉన్నాయి. ఇటీవల థ్యాంక్యూ సినిమాతో ప్రేక్షకులను, అభిమానులను నిరాశపరిచిన నాగ చైతన్య బాలీవుడ్‌​లో ఎంట్రీ ఇచ్చిన విషయం తెలిసిందే.

చడ్డీ బడ్డీ బాలరాజు పాత్రలో

బాలీవుడ్​ మిస్టర్​ పర్​ఫెక్ట్​ అమీర్​ ఖాన్​ ప్రధాన పాత్రలో నటించిన లాల్​ సింగ్​ చడ్డా సినిమా ఆగస్టు 11న విడుదలైంది. రిలీజైన తొలి రోజు నుంచే ఈ సినిమా నెగెటివ్​ టాక్​ను మూటగట్టుంది. ఇందులో చడ్డా.. చడ్డీ బడ్డీ బాలరాజు పాత్రలో నటించాడు చైతూ. అయితే సినిమా ఎలా ఉన్నా నాగ చైతన్య తన నటనకు ప్రశంసలు అందుకుంటున్నాడు.

ఇక నాగ చైతన్య బాలీవుడ్​ డెబ్యూ ఇచ్చిన లాల్​ సింగ్​ చడ్డా చిత్రం హాలీవుడ్​ క్లాసిక్ హిట్​ మూవీ ది ఫారెస్ట్​ గంప్‌​కు రీమేక్‌గా వచ్చిన విషయం తెలిసిందే. ఈ రీమేక్​ సినిమాకు అద్వైత్ చందన్​ దర్శకత్వం వహించారు. లాల్​ సింగ్​ చడ్డా విడుదలైన వారంల రోజుల్లో ఇండియన్​ బాక్సాఫీస్​ వద్ద రూ. 37.96 కోట్లు వసూలు చేసిందని సమాచారం.

కత్రినా కైఫ్, ప్రియాంక చోప్రా

లాల్ సింగ్ చడ్డా సినిమా కోసం బాలీవుడ్‌కు ఎక్కువ సమయం కేటాయిస్తున్న నాగ చైతన్య తరచూ అక్కడి మీడియాతో ఇంటరాక్ట్​ అవుతున్నాడు. ఈ క్రమంలోనే తాజాగా ఓ నేషనల్​ మీడియాకు ఇంటర్వ్యూ ఇచ్చిన చైతూ పలు ఆసక్తికర విషయాలను పంచుకున్నాడు. భవిష్యత్తులో బాలీవుడ్​లో కథానాయకుడిగా చేయాల్సి వస్తే ఏ హీరోయిన్స్​తో కలిసి నటించాలని అనుకుంటున్నారన్న ప్రశ్నకు అలియా భట్​, కత్రీనా కైఫ్, ప్రియాంక చోప్రా అంటూ సమాధానమిచ్చాడు చైతూ.

ఆలియాభట్‌తో

బాలీవుడ్ హీరోయిన్లలో ముఖ్యంగా అలియా భట్​ నటన అంటే తనకు ఎంతో ఇష్టమని, ఐ లవ్​ హర్ యాక్టింగ్​ అంటూ పొగిడాడు. అలియా భట్‌​తో నటించే అవకాశం వస్తే అస్సలు వదులుకోనని మనసులో మాట బయటపెట్టాడు చైతూ. ఇక మనం సినిమా హిందీలో రీమేక్​ చేస్తే తన పాత్రలో రణ్​బీర్​ కపూర్​ నటిస్తే బాగుంటుందని సమాధానం ఇచ్చాడు ఈ అక్కినేని యువ హీరో.

సుస్మితా సేన్ గురించి కామెంట్స్

ఇంటర్వ్యూలో భాగంగా సెలబ్రిటీ క్రష్​ ఎవరని అడిగిన ప్రశ్నకు మాజీ విశ్వ సుందరి, బ్యూటీఫుల్​ సీనియర్​ హీరోయిన్​ సుష్మితా సేన్​ అని బయటపెట్టాడు చైతూ. ప్రస్తుతం ఈ కామెంట్స్​ సోషల్​ మీడియాలో తెగ వైరల్​ అవుతున్నాయి. కాగా 1997లో విడుదలైన రక్షకుడు సినిమాలో నాగార్జునతో కలిసి సుష్మితా సేన్ జోడి కట్టిన విషయం తెలిసిందే.