Don't Miss!
- Sports Sachin Tendulkar: కన్నీటిని ఆపుకుంటూ సెంచరీ!
- News కాంగ్రెస్ ఖమ్మం సీటు పంచాయితీలో అనూహ్య మలుపు..!!
- Technology జియో సినిమా యాప్లో IPL మ్యాచ్లను ఉచితంగా చూస్తున్నారా.. రేపు కీలక ప్రకటన??
- Automobiles క్రాష్ టెస్ట్లో హోండా అమేజ్కు గట్టి షాక్.. ఆ విభాగంలో ‘0' రేటింగ్.!!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
కరోనా సమయంలో ఆ దేశానికి నాగ చైతన్య: ‘థ్యాంక్యూ’ చెప్పేందుకే ఈ టూర్
కెరీర్ ఆరంభం నుంచే వరుసగా సినిమాలు చేస్తూ దూసుకుపోతున్నాడు యువ సామ్రాట్ అక్కినేని నాగ చైతన్య. తద్వారా జయాపజయాలతో ఏమాత్రం సంబంధం లేకుండా సినిమాలు చేసే హీరోల్లో ఒకడిగా పేరొందాడు. ఇప్పటికే టాలెంటెడ్ డైరెక్టర్ శేఖర్ కమ్ముల తెరకెక్కించిన 'లవ్ స్టోరీ' అనే సినిమాలో నటించిన అతడు.. అది పట్టాలపై ఉండగానే మరికొన్ని ప్రాజెక్టులను లైన్లో పెట్టుకున్నాడు. అందులో విక్రమ్ కే కుమార్ రూపొందించే 'థ్యాంక్యూ' ఒకటి. ఫీల్ గుడ్ లవ్ స్టోరీతో రాబోతున్న ఈ వినూత్న చిత్రం కోసం నాగ చైతన్య తాజాగా విదేశీ పర్యటనకు వెళ్లాడు.
'మనం' వంటి సూపర్ డూపర్ హిట్ మూవీ తర్వాత నాగ చైతన్య - విక్రమ్ కుమార్ కాంబినేషన్లో వస్తోన్న చిత్రం 'థ్యాంక్యూ'. ఈ మూవీ షూటింగ్ తూర్పుగోదావరి జిల్లా లంక గ్రామాల్లో చాలా రోజుల పాటు జరిగింది. అక్కడ హీరోపై కీలకమైన సన్నివేశాలను చిత్రీకరించారు. ఇప్పుడు మరో షెడ్యూల్ కోసం నాగ చైతన్య అండ్ టీమ్ ఇటలీ పయనమైంది. అక్కడ దాదాపు పదిహేను రోజుల పాటు చిత్రీకరణ జరగనుందని తెలుస్తోంది. ఒకపక్క కరోనా వల్ల తెలుగు సినీ ఇండస్ట్రీలోని షూటింగులు ఆగిపోతుంటే.. ఈ అక్కినేని హీరో మాత్రం ధైర్యం చేసి ముందడుగు వేశాడు.
ఎంతో ప్రతిష్టాత్మకంగా రాబోతున్న 'థ్యాంక్యూ'లో నాగ చైతన్య రెండు విభిన్నమైన గెటప్లతో కనిపించనున్నాడు. అంతేకాదు, ఇందులో అతడు మహేశ్ బాబు అభిమానిగా నటిస్తున్నాడు. ఈ మూవీని శ్రీ వెంకటేశ్వర క్రియేషన్స్ సంస్థపై బడా ప్రొడ్యూసర్ దిల్ రాజు నిర్మిస్తున్న ఈ చిత్రానికి రైటర్ కమ్ డైరెక్టర్ బీవీఎస్ రవి కథ, మాటలు అందిస్తున్నారు. థమన్ సంగీతం సమకూర్చుతున్నాడు. రాశీ ఖన్నా, మాళవికా నాయర్ హీరోయిన్లుగా నటిస్తున్నారు. మరో హీరోయిన్ అవికా గోర్ కీలక పాత్రను పోషిస్తోంది.