Don't Miss!
- News ఏపీలో 45 డిగ్రీలను దాటిన టెంపరేచర్: గరిష్ఠ ఉష్ణోగ్రత నమోదైంది ఇక్కడే
- Sports చరిత్ర సృష్టించిన స్టొయినిస్.. సెహ్వాగ్ రికార్డు బ్రేక్!
- Lifestyle ఈ 4 రాశుల వారు ఉత్తమ సెక్స్ భాగస్వాములు అవుతారు... వీరిని లైఫ్ పార్ట్నర్ గా పొందడం అదృష్టం!
- Automobiles ఏథర్ రిజ్టా ఎలక్ట్రిక్ స్కూటర్కు పోటీగా ఆంపియర్ NXG.. ఆ రోజే లాంచ్
- Technology ధర రూ.10 వేల కంటే తక్కువ ధరకే రియల్మి 5G స్మార్ట్ఫోన్.. విడుదల తేదీ ఖరారు..!
- Finance Market Closing: లాభాల్లో ముగిసిన సెన్సెక్స్-నిఫ్టీ.. మార్కెట్లను లాగిన మెటల్ స్టాక్స్..
- Travel ఫ్యామిలీ ట్రిప్ ప్లాన్ చేస్తున్నారా? అయితే, తెలంగాణలోని ఈ ప్రాంతం బెస్ట్..!
వరుడు కావలెను అంటూ.. మరో మ్యాజిక్ క్రియేట్ చేయబోతున్న నాగశౌర్య
ప్రస్తుతం లీడింగ్ ప్రొడక్షన్ హౌజ్ గా గుర్తింపు అందుకుంటున్న సితార ఎంటర్ టైన్మెంట్స్ కేవలం పెద్ద హీరోలతోనే కాకుండా టాలెంట్ ఉన్న చిన్న హీరోలతో కూడా మినీ బడ్జెట్ లో సినిమాలను నిర్మిస్తోంది. ఇక ఈ బ్యానర్ లో యువ కథానాయకుడు నాగ శౌర్య కూడా నటిస్తున్నాడు. కథానాయిక 'రీతువర్మ' నటిస్తుండగా 'లక్ష్మీ సౌజన్య' ను దర్శకురాలిగా పరిచయం కానుంది.
ఇక సినిమా పై గత కొంతకాలంగా వస్తున్న రూమర్స్ కు చిత్ర యూనిట్ ఎట్టకేలకు ఎండ్ కార్డ్ పెట్టింది. 'వరుడు కావలెను' అనే టైటిల్ సెట్ చేసిన విషయం తెలిసిందే. అయితే టైటిల్ విషయంలో మళ్ళీ మార్పులు జరిగే అవకాశం ఉన్నట్లు రూమర్స్ రాగా ఈ మేరకు అధికారిక ప్రకటన చేస్తూ దీనికి సంభందించి ఓ ఆకట్టుకునే అందమైన వీడియో ను కూడా విడుదల చేశారు. ఈ వీడియో లో నాగశౌర్య, రీతువర్మ ఎంతో అందంగా కనిపించారు.
ఫ్యామిలీ ఆడియెన్స్ తో పాటు యూత్ ను కూడా బాగా ఎట్రాక్ట్ చేస్తున్నట్లు అనిపిస్తోంది. ఈ చిన్న దృశ్యానికి విశాల్ చంద్రశేఖర్ అందించిన నేపథ్య సంగీతం మరింత హైప్ క్రియేట్ చేసింది. నెటిజన్స్ నుంచి ఎన్నో ప్రశంసలు కూడా లభించాయి. సినిమా కథకు తగ్గట్లుగానే 'వరుడు కావలెను' అనేపేరును ఫిక్స్ చేసినట్లు చెబుతున్నారు. 2021 నూతన సంవత్సర శుభాకాంక్షలు చెబుతూ.. ఈ సందర్భంగా ఒక స్పెషల్ పోస్టర్ కూడా విడుదల చేశారు.
హైదరాబాద్ లో ప్రస్తుతం ఈ చిత్రం షూటింగ్ జరుపుకుంటోంది. చిత్ర నాయకా, నాయికలతో పాటు ప్రధాన తారాగణం పాల్గొనగా సన్నివేశాల చిత్రీకరణ జరుగుతోంది అని తెలుపుతూ చిత్ర యూనిట్ తరపున ప్రేక్షకులకు, మీడియా వారికి నూతన సంవత్సర శుభాకాంక్షలు తెలిపారు. ఇక నాగశౌర్య, రీతువర్మతో పాటు నదియా, మురళీశర్మ, వెన్నెలకిషార్, ప్రవీణ్, అనంత్, కిరీటి దామరాజు, రంగస్థలం మహేష్, అర్జున్ కళ్యాణ్, వైష్ణవి చైతన్య, సిద్దిక్ష వంటి వారు ఇతర ప్రధాన పాత్రల్లో కనిపించనున్నారు. ఈ చిత్రానికి మాటలు: గణేష్ కుమార్ రావూరి, ఛాయాగ్రహణం: వంశి పచ్చి పులుసు, సంగీతం: విశాల్ చంద్రశేఖర్,ఎడిటర్: నవీన్ నూలి; ఆర్ట్: ఏ.ఎస్.ప్రకాష్, సమర్పణ: పి.డి.వి.ప్రసాద్