Mahesh Babu: షర్ట్ లేకుండా మహేశ్ బాబు.. షాకింగ్ పిక్స్ వదిలిన నమ్రత

హ్యాట్రిక్ హిట్లతో మహేశ్ దూకుడు

ఈ మధ్య కాలంలో సూపర్ స్టార్ మహేశ్ బాబు మరింత ఉత్సాహంతో కనిపిస్తున్నాడు. దీనికి కారణం అతడు కొరటాల శివ దర్శకత్వంలో నటించిన 'భరత్ అనే నేను' నుంచి వరుసగా 'మహర్షి', 'సరిలేరు నీకెవ్వరు' వంటి భారీ విజయాలను తన ఖాతాలో వేసుకోవడమే. ఇలా హ్యాట్రిక్‌ను కూడా అందుకున్న ఈ స్టార్ హీరో.. అలాగే ఎన్నో రికార్డులను క్రియేట్ చేశాడు.

సర్కారు వారి పాట.. టార్గెట్ ఇలా

సూపర్ స్టార్ మహేశ్ బాబు ఈ ఏడాది పరశురాం దర్శకత్వంలో 'సర్కారు వారి పాట' అనే సినిమా చేశాడు. ఈ మూవీలో మహానటి కీర్తి సురేష్ హీరోయిన్‌గా నటించింది. ఈ చిత్రాన్ని మైత్రీ మూవీ మేకర్స్, 14 రీల్స్ ఎంటర్‌టైన్‌మెంట్స్ సంస్థలతో కలిసి మహేశ్ స్వయంగా నిర్మించాడు. దీనికి థమన్ సంగీతం అందించాడు. ఈ సినిమా ఓపెనింగ్ బాగానే ఉన్నా టార్గెట్‌ను రీచ్ అవలేదు.

త్రివిక్రమ్‌తో మహేశ్ మూడోసారి

వరుసగా విజయాలను అందుకుంటూ ఫుల్ ఫామ్‌లో ఉన్న మహేశ్ బాబు.. త్వరలోనే మాటల మాంత్రికుడు త్రివిక్రమ్ శ్రీనివాస్‌తో ఓ సినిమా చేయబోతున్నాడు. ఈ చిత్రాన్ని హారిక హాసినీ క్రియేషన్స్ బ్యానర్‌పై రాధాకృష్ణ నిర్మిస్తున్నారు. పూజా హెగ్డే ఇందులో హీరోయిన్‌గా చేస్తోంది. థమన్ దీనికి సంగీతం అందిస్తున్నాడు. ఈ సినిమాపై అంచనాలు తారాస్థాయిలో ఏర్పడ్డాయి.

రాజమౌళితోనూ సినిమా ప్రకటన

సూపర్ స్టార్ మహేశ్ బాబు త్వరలోనే దర్శకధీరుడు రాజమౌళితో కూడా సినిమా చేయబోతున్నాడు. ఇప్పటికే దీనికి సంబంధించిన ప్రకటన కూడా వెలువడింది. ఈ సినిమా అడ్వెంచర్ జోనర్‌లో రాబోతుందని అంటున్నారు. ఇప్పటికే ఈ ప్రాజెక్టు స్క్రిప్టు వర్కును కూడా విజయేంద్రప్రసాద్ ప్రారంభించారు. వచ్చే ఏడాది ద్వితియార్థంలో ఇది ప్రారంభం అయ్యే అవకాశం ఉంది.

ఫ్యామిలీతో జాలీగా సూపర్ స్టార్

టాలీవుడ్ సూపర్ స్టార్ మహేశ్ బాబు సినిమాలతో పాటు ఫ్యామిలీకి కూడా వీలైనంత ఎక్కువ సమయాన్ని కేటాయిస్తూ ఉంటాడు. ఇందులో భాగంగానే అతడు తరచూ కుటుంబ సభ్యులతో కలిసి టూర్లకు వెళ్తూ ఉంటాడు. అలాగే, ఇంట్లో కూడా ఎక్కువగా భార్య, పిల్లలతో సమయాన్ని గడుపుతూ ఉంటాడు. దీనికి సంబంధించిన ఫొటోలు, వీడియోలను సోషల్ మీడియాలో షేర్ చేస్తుంటాడు.

షర్ట్ లేకుండా కనిపించిన హీరో

హ్యాండ్సమ్ హీరో మహేశ్ బాబు భార్య నమ్రత శిరోద్కర్ కూడా సోషల్ మీడియాలో ఎంతో యాక్టివ్‌గా ఉంటారు. ఇందులో భాగంగానే ఆమె తరచూ సూపర్ స్టార్ ఫొటోలను.. తన పిల్లలతో కలిసి ఎంజాయ్ చేస్తోన్న వీడియోలను షేర్ చేస్తూ ఉంటారు. ఈ క్రమంలోనే తాజాగా మహేశ్ బాబు స్విమ్మింగ్ పూల్‌లో షర్ట్ లేకుండా ఉన్న ఫొటోలను తన ఇన్‌స్టాగ్రామ్ ఖాతాలో షేర్ చేశారు.

కొన్ని శనివారాలు ఇలాగేనంటూ

షర్ట్ లేకుండా స్విమ్మింగ్ పూల్‌లో ఉన్న మహేశ్ బాబు ఫొటోలను నమ్రత షేర్ చేశారు. దీనికి 'కొన్ని శనివారం ఉదయాలు ఇలాగే ఉంటాయి' అనే క్యాప్షన్ పెట్టారు. ఇక, ఈ పిక్స్‌లో ఈ స్టార్ హీరో అదిరిపోయే బాడీతో కనిపిస్తున్నాడు. ఇంకేముంది.. వీటిని సూపర్ స్టార్ ఫ్యాన్స్ సోషల్ మీడియాలో తెగ షేర్లు చేస్తున్నారు. దీంతో ఈ ఫొటోలు తక్కువ సమయంలోనే వైరల్ అయ్యాయి.