Balakrishna కాలికి గాయం... ఆహా షూట్ చేస్తున్న సమయంలో అలా.. ఏం చేశారంటే?

అఖండ కోసం వెయిటింగ్

నందమూరి బాలకృష్ణ బోయపాటి శ్రీను కాంబినేషన్ లో అఖండ అనే సినిమా రూపొందుతున్న సంగతి తెలిసిందే. ఈ సినిమా దసరాకు ప్రేక్షకుల ముందుకు వచ్చే అవకాశం ఉందని ప్రచారం జరిగినా అది జరగలేదు. ఇక సినిమాను దీపావళికి ప్రేక్షకుల ముందుకు తీసుకు రావచ్చని అంటున్నారు. ఈ సినిమా షూటింగ్ పూర్తి కాగా ప్రీ ప్రొడక్షన్ పనులు శరవేగంగా జరుగుతున్నాయి.

వరుస సినిమాలు

ప్రగ్యా జైస్వాల్ హీరోయిన్ గా నటిస్తున్న ఈ సినిమాకి మిరియాల రవీందర్ రెడ్డి నిర్మాతగా వ్యవహరిస్తున్నారు. ఇక బాలకృష్ణ గోపీచంద్ మలినేని దర్శకత్వంలో ఓ సినిమా చేయబోతున్నాడు. ఇప్పటికే ఈ సినిమాకు సంబంధించిన స్క్రిప్ట్ కూడా సిద్ధం అయిందని అంటున్నారు. ఇక ఆ తర్వాత బాలకృష్ణ అనిల్ రావిపూడి తో కూడా ఓ సినిమా చేయబోతున్నట్లు కూడా ప్రకటించారు. అలాగే సింగీతం శ్రీనివాస్ డైరెక్షన్ లో ఆదిత్య 369 సీక్వెల్ సినిమా చేయబోతున్నారు.

‘ఆహా’ కోసం బాలయ్య

తెలుగు ఓటీటీ 'ఆహా' కోసం బాలయ్య పని చేయనున్నారని ఈ పాపులర్ ఓటీటీ కోసం బాలయ్య ఓ స్పెషల్ టాక్ షో హోస్ట్ గా ఉండనున్నారు. అయితే ఈ షో కోసం ఆహా టీం పెద్ద లిస్ట్ రెడీ చేశారు. ఎన్టీఆర్, రామ్‌చరణ్, విజయ్ దేవరకొండ, ప్రభాస్ సహా టా లీవుడ్‌తో ఇతర భాషలకు చెందిన సెలబ్రిటీలతో ఇప్పటికే సంప్రదింపులు జరుపుతున్నారని అంటున్నారు.

కృష్ డైరెక్షన్లో

ఈ టాక్ షోకి ప్ర‌ముఖ ద‌ర్శ‌కుడు క్రిష్ నేతృత్వం వ‌హిస్తార‌ని తెలుస్తోంది. బాల‌య్య‌తో అనుబంధం ఉన్న ద‌ర్శ‌కుడైతే ఈ టాక్ షోని స‌మ‌ర్థ‌వంతంగా నిర్వ‌హించ‌గ‌ల‌డ‌ని ఆహా భావించిం ఆ బాధ్య‌త క్రిష్‌పై పెట్టిందని అంటున్నారు. బాల‌య్య‌తో ఎన్టీఆర్ బ‌యోపిక్ తీశారు క్రిష్‌, గౌత‌మి పుత్ర శాత‌క‌ర్ణితో వారి అనుబంధం మొద‌లైంది. అందుకే.. క్రిష్ కే ఆ బాధ్య‌త అప్ప‌గించారనే ప్రచారం జరుగుతోంది.

బాలయ్య కాలికి చిన్న గాయం

అదలా ఉంచితే ఈ రోజు జరిగిన ఆహా టాక్ షో ఫోటో షూట్ సమయంలో బాలయ్య కాలికి చిన్న గాయం అయిందని అంటున్నారు. కానీ బాలయ్య సమయం వృధా చేయకుండా గాయాన్ని లెక్కచేయకుండా ఫోటో షూట్ పూర్తి చేశారని తెలుస్తోంది. ఈ విషయాన్ని ఆయన అభిమానులు సోషల్ మీడియాలో షేర్ చేస్తున్నారు. త్వరలోనే ప్రోమో, ఫొటోలతో కలిపి ఆహా సంస్థ అధికారికంగా ప్రకటన చేయబోతున్నట్టు తెలుస్తోంది. చూడాలి ఈ ప్రకటన ఎప్పుడు రానుంది అనేది.