Devil మల్టీ గెటప్స్‌తో కల్యాణ్ రామ్.. బ్రిటీష్ ఏజెంట్ డెవిల్ రిలీజ్ డేట్ ఎప్పుడంటే?

నందమూరి కల్యాణ్ రామ్ హీరోగా ప్రముఖ నిర్మాత అభిషేక్ నామా రూపొందించిన పిరియాడిక్ సినిమా డెవిల్ రిలీజ్‌కు ముస్తాబవుతున్నది. ఈ సినిమాకు అభిషేక్ నామా నిర్మాతగానే కాకుండా దర్శకుడిగా పరిచయం అవుతున్నారు. బ్రిటీష్ కాలం నాటి పరిస్థితులు, సంఘటనల ఆధారంగా రూపొందిన ఈ సినిమా ఎక్సైటింగ్ స్పై థ్రిల్లర్‌గా రూపొందుతున్ని. ఈ సినిమాను భారీగా రిలీజ్ చేసేందుకు ప్లాన్ చేశారు. ఈ సినిమా రిలీజ్ డేట్ విషయానికి వస్తే..

బ్రిటీష్ సీక్రెట్ ఏజెంట్‌ పాత్రలో కల్యాణ్ రామ్ నటించిన డెవిల్ సినిమాను అన్ని వర్గాలను ఆకట్టుకొనే అంశాలతో రూపొందిస్తున్నారు. ఈ సినిమాను తెలుగు, తమిళం, హిందీ, కన్నడ, మలయాళ భాషల్లో రిలీజ్ చేస్తున్నారు. ఈ సినిమాకు సంబంధించిన ప్రమోషనల్ ఈవెంట్స్ డెవిల్‌పై అంచనాలు పెంచాయి.

డెవిల్ చిత్రంలో నందమూరి కల్యాణ్ రామ్ విభిన్నమైన గెటప్స్‌తో ఫ్యాన్స్ మాత్రమే కాకుండా సినీ ప్రేక్షకులను థ్రిల్ చేసేందుకు రెడీ అయ్యాడు. పోస్టు ప్రొడక్షన్, గ్రాఫిక్ వర్క్ పనులను పూర్తి చేసుకొంటున్న ఈ సినిమా యూనిట్ ప్రమోషనల్ కార్యక్రమాలతో మరింత బిజీగా మారింది.

డెవిల్ సినిమాను ఎక్కడా రాజీ పడకుండా అభిషేక్ అగర్వాల్ జాగ్రత్తలు తీసుకొంటున్నారు. గాంధీ నడికుడికర్ సహాయంతో సినిమాను అన్ని వర్గాలను ఆకట్టుకొనేలా చేస్తున్నారు. ఈ సినిమాకు స్క్రీన్ ప్లే, డైలాగ్స్, కథను అందిస్తున్నారు. ఈ సినిమా డిసెంబర్ 29వ తేదీన రిలీజ్ చేస్తున్నట్టు నిర్మాత అభిషేక్ నామా ప్రకటించారు.