రూ.2500తో కెరీర్ స్టార్ట్​... నేచురల్ స్టార్​ నానికి ఒక్కో సినిమాకు ఇప్పుడు ఎన్ని కోట్లో తెలుసా?

నేచురల్ స్టార్ నాని గురించి ప్రత్యేకంగా చెప్పనక్కర్లేదు. ప్రస్తుతం టాలీవుడ్ ఇండస్ట్రీలోని స్టార్ హీరోలలో ఒకరిగా సాగుతున్నారు. అష్టా-చమ్మా సినిమాతో అలరించినా ఆయన ఆ తర్వాత ఎన్నో సినిమాలు వరుసగా చేసి మంచి నటుడిగా పేరు తెచుకున్నారు. ఈ క్రమంలోనే తన కామెటీ టైమింగ్​తో నవ్వించి, భగ్నప్రేమికుడిలా మనసును హత్తుకుని, బాధ్యతగల తండ్రిలా కంటతడి పెట్టించారు. అసలు చూడగానే పక్కింటి కుర్రాడిలా కనిపించే ఈ హీరో అసిస్టెంట్​ డైరెక్టర్​గా కెరీర్ మొదలుపెట్టి ఇప్పుడు రూ.100కోట్లు కలెక్షన్లను అందుకునే స్టార్ హీరో స్థాయికి ఎదిగారు. మరి ఆయన అందుకున్న తొలి పారితోషికం ఎంతో తెలుసా? దాని గురించే ఈ కథనం...

బ్యాగ్రౌండ్ లేకుండా
ఎలాంటి బ్యాగ్రౌండ్ సపోర్ట్ లేకుండా ఇండస్ట్రీలో అడుగుపెట్టిన హీరోల్లో నాని ఒకరు. ఫ్యామిలీ అడియెన్స్, యూత్‏లో ఆయనకు స్పెషల్ ఫ్యాన్ బేస్ ఉంది. అసిస్టెంట్ డైరెక్టర్‏గా సినీ పరిశ్రమలోకి ఎంట్రీ ఇచ్చారు. 2005లో రాధాగోపాలం సినిమాకు అసిస్టెంట్​ డైరెక్టర్​గా పని చేశారు. అలా తొలినాళ్లలో బాపు, కే.రాఘవేంద్రరావు లాంటి దిగ్గజాల వద్ద సహాయ దర్శకుడిగా పనిచేశారు ఆ తర్వాత కొన్ని రోజుల పాటు రేడియో జాకీ(RJ)గానూ పని చేశారు. ఈ క్రమంలోనే కొన్ని ప్రకటనల్లోనూ నటించే అవకాశాలు వచ్చాయి.

బ్యాక్ టు బ్యాక్ సినిమాలు
ఈ క్రమంలోనే తన పనితీరుతో డైరెక్టర్ ఇంద్రగంటి మోహనకృష్ణ దృష్టిని ఆకర్షించారు. అలా 2008లో విడుదలైన అష్టా-చమ్మాతో హీరోగా మారారు. ఈ చిత్రంలో తన నటనతో ఎంతో మంది అమ్మాయిల మనసులను కొల్లగొట్టారు. ఆ తర్వాత తన సహజ నటనతో పక్కింటి కుర్రాడిలా అభిమానుల ప్రేమ, అప్యాయతలను పొందారు. ఎన్నో హిట్ సినిమాల్లో నటించారు. భలే భలే మగాడివోయ్ ఆయనకు మంచి బ్రేక్ ఇచ్చింది. స్టార్ స్టేటస్​ను తెచ్చిపెట్టింది. అనంతరం బ్యాక్ టు బ్యాక్ సినిమాలు చేసుకుంటూ దూసుకుపోయారు.

తొలి పారితోషికం 2500 రూపాయలు
ఇక నాని నటించిన జెర్సీ అయితే ఆయన కెరీర్​లో ప్రత్యేకంగా నిలిచింది. ఇందులో నాని నటన మరో లెవల్ అనే చెప్పాలి కంటతడి పెట్టించారు. ఇక దసరాతో రూట్ మార్చి యాక్షన్ బాట పట్టిన ఆయన ఆ చిత్రంతో బాక్సాఫీస్ వద్ద రూ. 100 కోట్లకు పైగా వసూళ్లను సాధించారు. ఇక రీసెంట్​గా వచ్చిన హాయ్ నాన్న మంచి వసూళ్లను అందుకుంది. ఇప్పుడు ఆయన ఒక్కో సినిమారు రూ.10 కోట్లు నుంచి రూ.20కోట్లు వరకు తీసుకునే రేంజ్​కు వెళ్లారని తెలిసింది. మరి ఆయన తొలి పారితోషికం ఎంతో తెలుసా? ఈ విషయాన్ని ఆ మధ్య నానినే స్వయంగా చెప్పారు. 2500 రూపాయలు తీసుకున్నట్లు ఓ ఇంటర్వ్యూలో చెప్పారు.

అయితే అది చెక్​ రూపంలో అందుకున్నారట. కానీ ఆ చెక్​ బౌన్స్ అయిందట. మరి అది అసిస్టెంట్ డెరెక్టర్​గా ఉన్నప్పుడు తీసుకున్నారో లేదా అష్టా చమ్మా సినిమాకు తీసుకున్నారో క్లారిటీ లేదు. ప్రస్తుతం ఆయన సరిపోదా శనివారం సినిమాలో నటిస్తున్నారు. నేడు పుట్టినరోజు సందర్భంగా విడుదలైన గ్లింప్స్ ఆకట్టుకుంటుంది. త్వరలోనే ఈ చిత్రం విడుదల కానుంది.